HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3951 4-Noel Hediyeleri Almanya, Arnavud, Avusturya, Belçika, Bulgar, Estonya, Finlandiya, Fransa, Büyük Britan- ya, [244] Macaristan, İtalya, Litvanya, Norveç, Felemenk, Lehistan, Romanya, Sırp, İsveç, İsviçre, Çekoslovakya Gençlik Salîb-i Ahmer aʻzâsı çocuklara, Yunan Gençlik Salîb-i Ahmeri 200.000 kutu kuru üzüm göndermişdir. 5- Yunan Gençlik Salîb-i Ahmer Mecmûʻası Temmuz, Ağustos ve Eylül ayları istisnâ edildiği hâlde ayda bir defa intişâr eden Gençlik Salîb-i Ahmer Mecmûʻâsı 'nın aded-i tabʻı 30.000'dir ve bu nüshalar kâmilen satılmakdadır. _______________ Şîr u Hûrşîd-i Sürh Cemʻiyeti Şîr u Hûrşîd-i Sürh nâmını alan İran Hilâl-i Ahmer Cemʻiyeti'nin 23 Teşrîn-i Evvel ictimâʻında yapılan intihâbda esâmîsi zîrde muharrer zevât heyʼet-i idâreye taʻyîn edilmişlerdir: * Reîs: Mirza Hasan Müstevfa hazretleri * Reîs Vekîl-i Evveli: Doktor Emir Han Aʻlem hazretleri * Reîs Vekîl-i Sânîsi: Çeragalhan Pehlevi hazretleri * Vezne Müdürü: Mirza İsmail Han Mümtaz hazretleri * Muhâsebeci: Doktor Hasan Han Lokman Edhem * Müfettiş: Colonel Kerim Aka Han Pozer Cimhiri * Vezne Müdür Muʻâvini: Mirza Mecid Han Ahi * Heyʼet-i Tahrîriye Müdürü: Mirza Ali Muhammed Han Üveysî Hemşîre cemʻiyetin yeni idâre heyʼetine muvaffakiyetler temennî ederiz. _______________ Sırp, Hırvat, Slav Salîb-i Ahmeri Sırp, Hırvat, Slav Salîb-i Ahmeri'nin 1926 senesi umûmî icrâât raporunda işbu sene nihâyetinde ana Salîb-i Ahmer'inin aded-i aʻzâsı 20.538 ve Gençlik Salîb-i Ahmer aʻzâsı 161.146 gösterilmekdedir. Sırp Salîb-i Ahmeri, meclis-i umûmînin üç sene için intihâb etdiği bir reîs tarafından idâre edilir. Merkez-i umûmî, müddetleri üç seneye münhasır 24 aʻzâdan müteşekkildir. Bu aʻzânın bir sülüsü meclis-i umûmî ictimâʻında teceddüd eder. Merkezler rüesâsı da merkez-i umûmîye iştirâk ederler. Cemʻiyetin mesâʻî ve icrââtını halka tattırmak ve istihdâf etdiği gâyenin istihsâline hâiz-i teʼsîr olmak üzere Sırp Salîb-i Ahmeri'nin yevm-i teessüsü olan 6 Şubat 1876 târîhi tesʻîden cemʻiyet her sene Şubat'ın altıncı gününü ve kral ile kraliçenin yevm-i izdivâcına musâdif 8 Temmuz'u Salîb-i Ahmer günleri ittihâz etmişdir.