HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3953 geçen vilâyet merkezlerinin sarfiyâtına âid Bulgar Salîb-i Ahmeri'nin nihâî raporu ahîren neşredil- mişdir. Bu rapora nazaran Amerika Salîb-i Ahmeri'nin teberruʻ etdiği 10.000 dolardan mütebâkî meb- lağ ile Rockefeller Müessesesi'nin verdiği 10.000 dolar sâyesinde mevcûd aşevleri Haziran nihâyetine kadar idâme-i faʻâliyet etmiş ve bu târîhe kadar muhâcir âilelerine erzâk ve zehâir tevzîʻ olunmuşdur. Amerika Aʻzâ Kaydı Seferberliği Mütâreke'nin akdi günü Cemâhîr-i Müttehide-i Amerika'nın kısm-ı şarkîsinde on birinci defa icrâ olunan aʻzâ kaydı seferberliği münâsebetiyle 12 Eylül'de başlayan konferanslar 5 Teşrîn-i Sânî'de hitâm bulmuşdur. Amerika Salîb-i Ahmer Reîsi HâkimMister Payne, Reîs-i Sânî ve Ticâret Nâzırı Mîralây Ernest Pikatel gibi cemʻiyetin erkân-ı mühimmesinden birçok meşâhîr 65 Salîb-i Ahmer merkezinde îrâd-ı nutuk etmişlerdir. *** Meksika'ya Muʻâvenet 8 Eylül'den 17 Eylül'e kadar Meksika'nın birçok şehirlerinde devâm eden kasırga ve şiddetli yağmurlar azîm hasârâta ve binlerce insânın meskensiz kalmasına sebeb olmuşdur. Amerika Salîb-i Ahmeri âfetzedegâna 5.000 dolar teberruʻ etmişdir. _______________ [246] Beynelmilel Muʻâvenet Birliği 4 Temmuz 1927 târîhinde Cenevre'de inʻikâd eden siyâsî konferansın tanzîm etdiği Beynelmilel Muʻâvenet Birliği Mukâvelenâmesi'ni 15 Eylül 1927 târîhine kadar imzâ eden memleketler şunlardır: Almanya, Belçika, Bulgar, Kolombiya, Küba, Danzig, Hatt-ı İstivâ, İspanya, Uruguay, Guate- mala, İtalya, Monako, Lehistan _______________ Japonya Çocuklara Mahsûs Yaz Kampları Japonya'da himâye-i etfâle müteʻallik âsâr ve mesâʻî ve bilhâssa merkez ve şuʻbelerce tertîb olunan taʻtîl kolonileri ziyâdesiyle terakkî ve inkişâf etmekdedir. Vereme müstaʻid çocuklar için ilk defa 1914 senesinde Kyoto merkezinin tertîb etdiği koloni