HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 3988 hakkında güzel bir nutuk îrâd ederek Hilâl-i Ahmer'in memleketimizde yapdığı hidemâtdan kazâ şuʻbesinin muhîtde pek az bir ömre mâlik olmasına rağmen başardığı işleri ve iki yüz elliden fazla aʻzâ kaydetdiğini ve iki bin liraya yakın bir muʻâvenet teʼmîn kıldığını bütün münevver hanım ve beylerin bu şefkat müessesesine sâhib ve muzâhir olmalarını söylemiş ve alkışlanmışdır. Müteʻâki- ben hükûmet nâmına Kazâ Kâimmakâmı İhsan Bey bu nutka cevâb vererek gösterilen hizmetlerin ulviyetinden Hilâl-i Ahmer Cemʻiyeti'nin yarım asırlık hayâtında hiçbir cemʻiyete nasîb olmayan nezâhetinden bahis ve ictimâʻa iştirâk eden arkadâşlara teşekkür ve Cumhûriyet'imizin bânîsi reîsi- cumhûrumuza bu yıldönümünün taʻzîmâtımızla arzını teklîf etmişdir. Teklîf alkışlarla kabûl edildi. Ondan sonra Belediye Reîsi Safer Efendi de halkın bu teşkîlâta her vakit muzâhir ve muʻâvin oldu- ğunu ve bu[nu] ahkâm-ı dîniyemizin de emretdiğini beyân ve bu gibi teʻâvün ve tesânüd esâslarına müstenid cemʻiyetlerin ictimâʻî hayâtımızda mühim vazîfeleri olduğunu îzâh ve memleketimizin kısa zamândaki muvaffakiyetine şükrânlarla mukâbele etdiler. Müteʻâkiben hâzırûna çay ve pasta ikrâm olundu. Hâzırûn pek tatlı ve mesʻûd bir gün yaşamış oldular. Aynı zamânda bugünün büyük hâtıra- sını tesbît etmek üzere fotoğraf çıkartıldı. Herkes beşûş ve memnûn memleketin saʻâdetine duʻâhân olarak geç vakit oradan ayrıldı. _______________ Denizli'de Hilâl-i Ahmer'imizin ellinci yıldönümü Denizli'de Türk Ocağı'nda pek parlak sûretde tesʻîd edilmişdir. Bu şerefli günün tesʻîdi merâsiminde bulunmak üzere daha sâʻat on üçden iʻtibâren birçok zevât Türk Ocağı'na fevc fevc gelmeğe başlamış ve oldukça vâsiʻ olan salon lebâleb dolmuşdur. Sâʻat on dörtde hâzırûn Hilâl-i Ahmer heyʼet-i merkeziyesini tebrîk etmişdir. Baʻdehû Heyʼet-i Merkeziye Reîsi, Vilâyet Sıhhiye Müdür-i muhteremi Hüseyin Ali Bey kürsî-i hitâbete çıkarak bi'l- umûm hâzırûna arz-ı hoş-âmedî etmiş ve Hilâl-i Ahmer'in bidâyet-i teşekkülünden bugüne kadar geçirdiği safahâtı, îfâ etdiği şâyân-ı şükrân hidemâtı mufassalan îzâh eylemiş ve hâzırûn tarafından alkışlanmışdır. Müteʻâkiben Vâlî Halid Beyefendi, Nizâmiye Alây Kumandan Vekîli Kâimmakâm Nedim Be- yefendi ile berâber hitâbet kürsüsü yanına gelerek harekât-ı milliyede vatan ve millet muhâfazası için ibrâz-ı şecâʻat ve besâlet eden ve bu hidemâta mukâbil Büyük Millet [274] Meclisince İstiklâl Madalyası ile taltîfleri takarrür eyleyen zevâtın madalyalarını taʻlîk edeceğini müfîd ve mûciz bir nutukla hâzırûna ifhâm ü iblâğ buyurmuşlar ve bu zevâtın madalyalarını birer birer sîne-i iftihârlarına taʻlîk eylemişlerdir. Taʻlîk merâsiminin îfâsını müteʻâkib Alây Kumandan Vekîli Kâimmakâm Nedim Beyefendi kürsüye çıkarak bu kıymetli günü idrâkden dolayı Hilâl-i Ahmer'i tebrîk ve vatan-ı muʻaz- zezimize istiklâl-i tâm bahşeden Gâzî Paşa hazretlerinin devâm-ı ömr ü âfiyetlerini temennî yolunda belîğ bir hitâbede bulunarak hâzırûn tarafından alkışlanılmışdır. Baʻdehû Hilâl-i Ahmer heyʼetince tertîb ve ihzâr edilen büfeden hâzırûna çay, bisküvi ve sigaralar ikrâm olunmuşdur. Çay ziyâfeti esnâsında Tavas Hükûmet Tabîbi Abukrek Efendi keman ile rûh-nevâz parçalar lütfeylemişlerdir. Bir müddet istirâhatden sonra hâzırûn, çok samîmî bir hiss-i hürmet ile meşbûʻ oldukları hâlde Hilâl-i Ahmer reîs ve aʻzâsına vedâʻ ederek ayrılmışlardır. _______________