HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 3989 Eskişehir'de Eskişehir'de yapılan merâsim-i tesʻîdiyeye âid aşağıya derc etdiğimiz tafsîlâtı Sakarya refîki- mizden iktibâs ediyoruz: "-23 Kânûn-ı Evvel [1]927 Cuma günü Hilâl-i Ahmer Cemʻiyeti'nin ellinci sene-i devriyesine tesâdüf ediyordu. Memleketimizin hayrî cemʻiyetleri içinde en ihtiyâr fakat en zinde bir sıfatla te- bârüz eden bu muhterem cemʻiyetin elli yaşına girdiğini görüp düşünmek hepimiz için maʻnevî bir zevk ve hazzı mûcib oluyordu. İşte bugün şehrimizde de cemʻiyetin seciyesine lâyık bir sükûn ve vakârla tesʻîd edildi. Memleket Kütübhânesi'nin dört bir tarafı bayraklarla tezyîn olunmuşdu. Misâ- firler sâʻat on dörtde konferans salonuna gelmeğe başladılar. Daʻvetliler arasında Vâlî Hakkı Bey, Kolordu Kumandanı Emin Paşa ile refîkaları hanımefendiler, mebʻûsumuz Ali Ulvi Beyefendi, Bele- diye Reîsi Kâmil Bey, Halk Fırkası Muʻtemedi Osman, Kolordu Erkân-ı Harbiye Reîsi Sabri Bey ve refîkası hanım ve diğer birçok zevât vardı. Sıhhiye Müdürü Nazmi Bey kürsüye çıkarak ellinci sene-i devriyesini idrâk eden cemʻiyetin târîhçesini anlatdı ve bu kıymetli müessesenin hizmetlerini târîh ve erkâm zikrederek taʻdâd etdikden sonra daʻvetlerine icâbetlerinden dolayı huzzâra teşekkür etdi ve alkışlandı. Müteʻâkiben Tanburacı Osman Pehlivan o meşhûr sazı ile güzel, çok güzel bir taksîm yapdı. Peşrevler çaldı. Millî havâyı terennüm etdi. Osman Pehlivan'ın mızrâbından dökülen ince ve içli nağmeler bütün hâzırûnu mest etmişdi. Bundan sonra beyâz ipeklilere bürünmüş bir genç kızımız kürsüye gelerek Hilâl-i Ahmer'e hitâben bir şiʻr okudu. Dârülelhân talebeleri tarafından bir konser ve- rildi. Grup hâlinde fotoğraflar çekildi ve büfede misâfirlere çay, pasta ikrâm edildi. İctimâʻ umûmiyet iʻtibârıyla gâyet güzel tertîb edilmişdi. Program sıra ile tatbîk edilirken salonda vakûr bir sükûn ve huşûʻ vardı. Elli seneden beri memleket yaralarına devâsâz olabilmek için en mütevâzıʻ bir ferâgat ve azim ile çalışan bu âlî müessesenin gütdüğü gâye, sanki gönülleri tütsülemişdi. Hilâl-i Ahmer Cemʻiyeti'ni hepimiz de müsbet işlerini, [275] faʻâliyetinin semerelerini görerek tanıdık ve sevdik. Beynelmilel teşkîlât içinde bizim Hilâl-i Ahmer'imizin çok muvakkar ve muhterem mevkiʻi vardır. Onu kuranları, onu yaşatanlarla berâber ona cândan merbût olanları tebrîk etmek bir şükrân borcudur. Hilâl-i Ahmer'in ellinci devr-i senevîsini tesʻîd merâsimi intibâʻâtından (Eskişehir) Groupe pris à Eskichéhir, à lʼoccasion du cinquantaine du C.R.T.