HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 3990 Tekirdağı Yarım asırlık hayâtını dolduran cemʻiyetimizin yıldönümü münâsebetiyle 23 Kânûn-ı Evvel'de Türk Ocağı salonunda Tekirdağı heyʼet-i merkeziyemiz tarafından bir resm-i kabûl icrâ edilmişdir. Sokaklar karlarla mestûr ve soğuğun pek şiddetli olmasına rağmen tamâmen daʻvete icâbet eden medʻuvvîn sigara ve şekerle iʻzâz edilmişdir. Daʻvete icâbet eden huzzâra Tekirdağı Hilâl-i Ahmer Merkezi Reîsi Nuri Bey tarafından teşek- kür edildikden sonra cemʻiyetin sebk eden muʻâvenet faʻâliyetinden ve hidemât-ı insâniyetkârânesin- den bahsedilmiş ve alkışlanmışdır. Yevm-i mezkûr akşâmı da Türk Ocağı binâsı altındaki sinema salonunda cemʻiyet menfaʻatine bir müsâmere tertîb edilmişdir. Müsâmereye ocak bandosunun terennüm etdiği ve huzzârın ayakda sükût ve taʻzîm ile dinlediği İstiklâl Marşı ile başlanmışdır. Müteʻâkiben sahne açılmış ve Hilâl-i Ahmer bayrakları arasında Reîs-i muhterem Nuri Be- yefendi'nin eser-i tertîb ve himmetleri olan cânlı bir tablo görülmüşdür. [276] Bu esnâda elektrikler söndürülerek projeksiyon sûretiyle sahne tenvîr edilmiş ve rengârenk ziyâ yekdiğerini taʻkîb ederek üç dakîka kadar devâm etmişdir. Tabloda bir yaralı Türk neferinin Hilâl-i Ahmer hastabakıcıları tarafından yaralarının sarıldığı gösterilmiş ve yaralı nefer Hilâl-i Ahmer'in kudsiyetini ve hidemâtını birkaç samîmî cümle ile hulâsa etmiş ve hayli alkışlanmışdır. Sâʻat yirmi buçukda ocak temsîl encümenince ihzâr olunan "Taş Parçası" piyesinin temsîline başlanmışdır. Piyesin yazılışındaki hassâsiyet sahnede tamâmıyla kendini göstermiş ve genç amatör- lerin temsîl kudretiyle, kâbiliyet ve istiʻdâdları bu vesîle ile bir kere daha tebârüz etmişdir. _______________ Karahisarışarkî'de Hilâl-i Ahmer'in ellinci sâl-i hayâtını tesʻîd münâsebetiyle 23 Kânûn-ı Evvel 1927 Cuma günü Karahisarışarkî merkezimiz tarafından tertîb edilen çay ziyâfetine medʻuv bulunan erkân-ı meʼmûrîn, eşrâf ile Himâye-i Etfâl, Türk Ocağı ve Muʻallim Birliği Cemʻiyetlerinden ziyâfet salonunda hâzır bulunan yüz kadar zevâta sigara, çay, bisküvi ikrâm edilmiş ve bu sırada cemʻiyetin şimdiye kadar îfâ etmiş olduğu insânî hidemât cemʻiyet reîsi tarafından îzâh edilmişdir. Müteʻâkiben Vâlî Safa Beyefendi tarafından cemʻiyet hakkında takdîrkârâne bir nutuk îrâd olunarak merâsim-i tesʻîdiyeye nihâyet verilmişdir. Ellinci devr-i senevî merâsimi halk üzerinde amîk teʼsîrler hâsıl etmişdir. Kars'da Ellinci sene-i devriyesini idrâk eyleyen Hilâl-i Ahmer Cemʻiyeti'nin tesʻîdi münâsebetiyle 23.12.[1]927 günü sâʻat 14'de Türk Ocağı binâsında Kars Vâlîsi Salim Beyefendi ve Müstahkem Mevkiʻ Kumandanı Emin Paşa'nın huzûruyla bir topluluk yapılmış ve kâimen dinlenilen İstiklâl Mar-

RkJQdWJsaXNoZXIy NTY0MzU=