HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 3991 şı ile merâsime mübâşeret edilmişdir. Maʻârif Müdürü Şevket Turgud Bey bu yarım asırlık mües- sesenin târîhçesini uzun uzadıya anlatmış ve müteʻâkiben vâlî bey de cemʻiyetin müsmir ve nâfiʻ hizmetinden pek heyecânlı bir sûretde bahis buyurmuşlardır. Bu şefkatli müessesenin yıldönümü münâsebetiyle merâsim-i tesʻîdiyenin Türk Ocağı'nda yapılmasından dolayı ocak reîsi Kâzım Bey tarafından huzzâra teşekkür edilmiş ve başda sevgili reîsicumhûrumuz olduğu hâlde bütün erkân-ı hükûmete muvaffakiyetler temennî edilerek sâʻat 16,30'da merâsime nihâyet verilmişdir. Hilâl-i Ah- mer Cemʻiyeti medʻuv zevâta çay ve pasta vermek sûretiyle ikrâmda bulunmuşdur. Bu yevm-i tesʻîd münâsebetiyle akşâm sâʻat 18'de cemʻiyet heyʼet-i tertîbiyesi tarafından mükellef bir balo verilerek birçok eğlenceler tertîb edilmiş, halk bu hayırlı cemʻiyete ufak bir hizmetde bulunmak üzere o kadar tehâcüm göstermişdir ki, sâʻat 17,30'da oturacak mahal kalmamışdır. _______________ Antalya'da Hilâl-i Ahmer'in yarım asırlık hayâtı sene-i devriyesi Antalya'da 23 Kânûn-ı Evvel [1]927'nci günü baʻde'z-zevâl sâʻat on dörtde Cumhûriyet Halk Fırkası binâsında tesʻîd edilmişdir. Resm-i ka- bûle vâlî, belediye reîsi [277] beyefendilerle bi'l-umûm rüesâ-yı meʼmûrîn-i mülkiye, adliye, askerî kumandanları, müessesât cemʻiyet erkânı, eşrâf ve muʻteberân-ı belde daʻvet olunmuş ve yevm-i tesʻîdde cemʻiyetin târîh-i teşekkülünden bu âna kadar geçirdiği tekâmül safahâtı ve harb, zelzele vesâir her türlü âfât ve ictimâʻî felâketlerde ibrâz edildiği güzîde hidemât hürmetle tezkâr edilmiş ve işbu zevât-ı kirâm çay, bisküvi, sigara ile iʻzâz kılınmışdır. Hilâl-i Ahmer'in ellinci devr-i senevîsini tesʻîd merâsimi intibâʻâtından (Antalya) Groupe pris à Adalia, à lʼoccasion du cinquantaine du C.R.T. Samariten Kursları Bundan üç ay evvel İstanbul Hilâl-i Ahmer Merkezi tarafından âile hanımlarına "Ev Hıfzıs- sıhhası ve Hastabakıcı Usûlleri" hakkında tedrîsâtda bulunmak üzere açılmış olan serbest dersler Kânûn-ı Sânî'nin on beşinde hitâma ermişdi. Kursa yirmi üç hanım muntazaman devâm etmişdir.