HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 3992 İmtihânların icrâsı için on beş gün müsâʻade verilmiş ve kurs imtihânları İstanbul Hilâl-i Ahmer Merkezi'nde yapılmışdır. Kurs tedrîsâtı vesâit-i tedrîsiyenin mükemmeliyetinden dolayı Haseki'de kâin Hilâl-i Ahmer Hastabakıcılık Mektebi'nde yapılmış ve amelî aksâm da Gurebâ Hastahânesi'nde gösterilmiş ve yaptırılmışdır. Tedrîsâtı Hastabakıcılık Mektebi'nin müdürü Ömer Lütfi ve Gurebâ Hastahânesi Operatör Muʻâvini Doktor Kâzım İsmail Beyler idâre etmişlerdir. Dünkü imtihân netîcesinde Huriye Baha, Mesture Ali Kâmi, Şehime Hilmi, Saide Ahmed, Fatma İsmail Hakkı, Süheyle Ruhi, Türkân Said, Hamdiye Şükrü Hanımlar muvaffak olmuşlardır. Bu hanımlara şehâdetnâmeleri yakında verilecekdir. İmtihân üç ay zarfında gösterilmiş olan tedrîsâtdan yapılmışdır. Tedrîsâtın esâs mevzûʻları intânî hastalıklar, hıfzıssıhha, [278] çocuk hıfzıssıhhası, hastabakıcı usûlleridir. İmtihânların alınan netîcesi, tedrîsâtın semeredâr olduğunu göstermişdir. Ellinci sene-i devriyeyi tesʻîden Aydın Türk Ocağı'nda verilen ziyâfet Banquet organisé à Aïdin, à lʼoccasion du cinquantaine du C.R.T. Dinar Hilâl-i Ahmer Şuʻbesi Dinar Hilâl-i Ahmer Şuʻbesi Reîsi ve Hükûmet Tabîbi Mustafa Şevki Bey'in delâletiyle Di- nar'da Hilâl-i Ahmer ve Himâye-i Etfâl menfaʻatine 13 Kânûn-ı Sânî'de tertîb edilen deve güreşi ile yevm-i mezkûr akşâmı verilen müsâmereden beş yüz liraya yakın bir hâsılât teʼmîn edilmişdir. Müsâmerede şuʻbe heyʼet-i idâre aʻzâsından Jandarma Kumandanı Mustafa, Yüzbaşı Mehmed Ali, Eczâcı Bedri, Nüfûs Meʼmûru Avni Beylerle Seyyâr Sıhhiye Meʼmûru Lütfi, Hacı Battal'ın Os- man Efendilerin şâyân-ı takdîr bir hizmetleri sebk etmişdir. Dinar şuʻbemizin faʻâliyetini himâye eden Kâimmakâm-ı Kazâ Halis Bey ile isimleri mezkûr zevât-ı muhteremeye en hâr şükrânlarımızı takdîm ederiz. _______________