HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 3994 Nâhiye şuʻbeleri kongrelerini akdederek merkez kongresi için murahhaslarını intihâb etmişlerdir. _______________ Hilâl-i Ahmer'i Unutmayınız! Hilâl-i Ahmer menfaʻatine pullarını istiʻmâl ediniz. Beyoğlu Şuʻbesi Kongresi Hilâl-i Ahmer Beyoğlu Kazâ Şuʻbesi'nin 1928 senesi kongresi Kânûn-ı Sânî'nin yirmi birinci Cumartesi günü sâʻat on yedi buçukda Taksim nâhiye şuʻbesinde ictimâʻ ederek kongre, reîsi Abdür- rezzak Şükrü Bey tarafından açılarak muvakkat riyâsete Hikmet Paşa ve kitâbete Nuri Bey intihâb olunmuşlardır. 27.685 lira kırk üç buçuk kuruş vâridâtı hâvî 1927 senesi büdcesi tedkîk ve kabûl edilmiş ve 1928 senesi büdcesi de 25.000 lira olarak tasdîk kılınmışdır. Kurʻa ile heyʼetden çıkan üç zâtın yerlerine ibkâen Ahmed Ramiz, Esad ve Keresteciyan Beyler intihâb edilmiş ve yeni heyʼet-i idârede riyâsete Abdürrezzak [280] Şükrü, kitâbete Salahaddin Neşet ve vezne murâkıblığına Berç Keresteciyan Beyler ibkâen intihâb edilmişlerdir. Kazâ şuʻbemize yeni sene için muvaffakiyetler temennî ederiz. Kars Hilâl-i Ahmer Heyʼet-i Merkeziyesi 21-22 Kânûn-ı Evvel 1927 gecesi Kars vâlîsi beyefendi- nin riyâsetinde ictimâʻ eden Kars Vilâyeti Hilâl-i Ahmer Mec- lis-i Umûmîsi arasında yapılan intihâbda heyʼet-i merkeziye aʻzâlığına zevât-ı âtiye geçirilmişdir: 1-Sıhhiye Müdürü İsmail Hakkı Bey 2-Operatör Tevfik Bey 3-Bakteriyolog Cemil Bey 4-Doktor Yüzbaşı Mehmed Ali Bey 5-Göz Tabîbi İsmail Bey 6-Belediye Tabîbi Esad Bey 7-Tüccârdan Ağa Bey 8-Tüccârdan Hacı Cebbar Bey 9-Tüccârdan Remzi Bey 10-Tüccârdan Salim Bey 11-Maʻârif Müdürü Şevket Turgud Bey 12-Murâkıb Ragıb Bey 13-Muhâsebe-i Husûsiye Müdürü Hikmet Bey 14-Orta Mekteb Müdürü Şinasi Bey Malatya vilâyeti dâhilindeki şuʻbelerimizde şâyân-ı şükrân faʻâliyet husûle getiren Malatya Hilâl-i Ahmer Merkezi Reîsi ve Sıhhiye Müdürü Doktor Hayri Bey Dr. Haïri Bey, Président du Croissant-Rouge de Malatia