HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 4022 Müddet-i tahsîliye on sekiz aydır. Bu sene ikmâl-i tahsîl ederek diploma alanların mikdârı dörtdür. Mektebin ikinci senesinde dokuz ve birinci senesini ikmâl etmiş on iki talebesi vardır. Mektebe 1 Teşrîn-i Sânî'de dâhil olan nâmzedlerin adedi 15'dir. Tâlibâtın diğer bazı maʻlûmât-ı tatbîkiyesi için devâm etdikleri dispanserlerle hıfzıssıhha mer- kezlerine Yunan Salîb-i Ahmeri tarafından tahsîsât verilmekdedir. _______________ [300] Yunan İskân-ı Muhâcirîn Komisyonu Şehirlerle köy ve kasabalarda iskân edilen Yunan muhâcirlerinin mikdâr-ı hakîkîsi ile şerâit-i hayâtiyeleri hakkında tedkîkât icrâ etmekde olan Yunan İskân-ı Muhâcirîn Komisyonu vazîfesini ikmâl etmişdir. Muhâcirlerin meskenleri ve muhtelif mahallelerde teʼsîs edilen kamplar ayrı ayrı teftîşe tâbiʻ tutuldukdan sonra meskenler iyi, vasat ve fenâ olmak üzere üç sınıfa taksîm edilmişdir. Bu üçüncü kısımda iskân edilen 35.667 âile şu sûretle tevzîʻ edilmişdir: Âile Devlete ve eşhâs-ı husûsiyeye âid müşrif-i harâb meskenlerde 21.249 İşbu meskenlerde ikâmet eden âile efrâdından olup da meskenin yalnız bir odasını işgâl eden 720 İskân komisyonunun mâlı olan meskenlerde 5.700 Vazʻ-ı yed edilen meskenlerde 2.674 Muhtelif depolarda 2.777 Sakfları teneke ile mestûr kulübelerde 645 Saz ve kamışdan yapılmış kulübelerde 361 Kışlalarda 413 Çadırlarda 382 Mekteblerde 131 Fabrikalarda 100 Vagonlarda 78 Câmiʻlerde 50 Kiliselerde 27 Salaşlarda 41 Muhtelif meskenlerde 151 Bir melceʼ bulamayan 168 Yekûn 35.667 Bu yekûnden 3.476'sı hükûmet, 866'sı iskân komisyonu ve 100'ü Yunan Millî Bankası tarafın- dan inşâ etdirilen ve min haysü'l-mecmûʻ 4.442'ye bâliğ olan mesken tenzîl edildikden sonra müte- bâkî 31.225 âilenin Atina ve Pire'de 8.863, Selanik'de 12.393, muhtelif şehirlerde 9. 969 olmak üzere 31.224 âile fenâ addedilen meskenlerde kalmış oluyor.