HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 4023 Muhâcirlere mahsûs inşâ edilen sâlifü'z-zikr meskenlerde beheri arsa, yol ve su teʼsîsâtı dâhil olduğu hâlde takrîben 100 İngiliz lirasına yani 36.000 drahmiye mâl olmakdadır. Cemʻiyet-i Akvâm'ın 15 Eylül 1927 târîhinde ictimâʻ eden heyʼet-i umûmiyesince tasdîk edilen dokuz milyon İngiliz liralık Yunan istikrâzının 3 milyonu Yunan düyûnâtının bir kısmının itfâsına, 3 milyonu teʼdiyesi teehhur eden takâsîte ve üç milyonu da iskân-ı muhâcirîn inşâât masârıfına karşılık gösterilecekdir. _______________ İngiltere Röntgen Cihâzı Londra ve civârında bulunan hastahânelerden röntgen cihâzı bulunmayanlara İngiliz Salîb-i Ahmer Cemʻiyeti seyyâr bir röntgen cihâzı teʼmîn etmişdir. _______________ İsviçre Hıfzıssıhha Propaganda Konferansları İsviçre Salîb-i Ahmeri'nin şuʻbeleriyle Samariten Cemʻiyetleri tarafından verilecek halk hıf- zıssıhha konferansları için ihzâr etdiği klişeler [301] beş İsviçre frangı mukâbilinde bu müesseselere iʻâre edilmekdedir. Halk hıfzıssıhha konferansları için şimdiye kadar tertîb edilen mevzûʻlar: Verem, kanser, cezre? yani boğaz uru, sârî çocuk hastalıkları, kâhillerde emrâz-ı intâniye, em- zikdeki çocuklara yapılacak takayyüd, rahitis, hıfzıssıhha-i melbûsât, ayakkabıların ayaklara icrâ et- diği teʼsîrât, diş çürümesi ve dişlerin hüsn-i muhâfazası _______________ Fransa Emrâz-ı Zühreviye İçin Yeni Bir Film Lariboisière Vilâdethânesi Sertabîbi Doktor Devraigne'in emrâz-ı zühreviyeye karşı ictimâʻî hıfzıssıhhaya âid "Vaktiyle Üç Dost" nâmıyla yazdığı yeni bir propaganda filmi Teşrîn-i Sânî'nin 16'ncı günü Sorbonne Dârülfünûnu'nun büyük amfitiyatrosunda Fransa Sıhhiye ve Muʻâvenet-i İc- timâʻiye Vekîli Mösyö Failliet'in huzûruyla gösterilmişdir. Mösyö Jean Benoît-Lévy'nin bizzât vazʻ-ı sahne etdiği "Vaktiyle Üç Dost" filminin mevzûʻu şudur: Aynı alâyda hizmet-i askeriyelerini ikmâl etdikden sonra sivil hayâtda da dostluk münâsebâtını idâme eden üç arkadâş bilâhare teehhül ediyorlar. Bunların teehhülleri aynı târîhe musâdif bulunuyor. Bu sûretle teşekkül eden üç âileden ikisinde biri irsî, diğeri mükteseb olmak üzere zuhûr eden frengi