HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 4024 ilk doğan çocuklarını yaşatamıyor. Bu hâdise lâzım gelen ehemmiyetle karşılanıyor. Tedâvî başlıyor ve devâm ediyor. Yapılan tedâvî nihâyet semerelerini gösteriyor. Tâm yirmi beş sene geçdikden sonra her üç arkadâş gümüş düğünlerini tesʻîd ediyor. "Vaktiyle Üç Arkadâş" filmi ihmâl edilmeksizin başlanacak ve devâm edilecek tedâvî sâyesinde şahsî veya irsî olsun, frenginin âsâr ve tezâhürâtı tamâmen mündefiʻ olacağını irâʼe etmekdedir. *** Henry Dunant'ın Yüzüncü Devr-i Senevî-i Vilâdeti Henry Dunant'ın doğduğunun yüzüncü senesi, bu sene içinde tesʻîd edilecekdir. Bu münâsebet- le İsviçre Salîb-i Ahmeri biri Dunant'ı diğeri Solférino Muhârebesi'ni tasvîr eden iki kartpostal tabʻ etdirecekdir. Bundan mâʻadâ, yüzüncü senenin hâtırası olarak bir madalya ihdâs edilecekdir. Cemʻiyetin mesâʻî ve icrâât-ı hayır-perverânesine gençliğin nazar-ı dikkatini celb etmek mak- sadıyla İsviçre Salîb-i Ahmeri tarafından Henry Dunant'ın hayâtı, âsârı ve Salîb-i Ahmer'in faʻâliyeti hakkında neşredilecek eser heyʼet-i tedrîsiyeye tevzîʻ olunacakdır. _______________ Lehistan Salîb-i Ahmer İşâret ve Alâmeti 13 Eylül 1927 târîhli resmî gazete Salîb-i Ahmer alâmet ve işâretinin istiʻmâli hakkının münha- sıran cemʻiyete âidiyeti hakkındaki karârnâmeyi neşretmişdir. Bu karârnâmenin neşrinden sonra Varşovo Salîb-i Ahmer Merkezi mezkûr unvân ve alâmeti istiʻmâl eden bazı ticârethâneler aleyhine taʻkîbât icrâsına karâr vermişdir. _______________ [302] Felemenk Salîb-i Ahmer Günü Cemʻiyete vâridât teʼmîni maksadıyla Amsterdam ve Lahey Salîb-i Ahmer Merkezleri 26 Teş- rîn-i Evvel ve 11 Teşrîn-i Sânî'de bir Salîb-i Ahmer günü tertîb etmişlerdir. _______________ Amerika Salîb-i Ahmer'in Amerika Hâricinde Muʻâvenet Faʻâliyeti 30 Haziran 1927 târîhinde hitâm bulan sene zarfında Amerika Salîb-i Ahmeri'nin 14 memlekete yapdığı nakdî muʻâvenet ber-vech-i âtîdir: Dolar Bulgar muhâcirlerine 20.000 1926 senesi yazında Sırbistan'da vukûʻ bulan feyezânlar için 5.000