HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 4025 1926 Temmuz'unda Portoriko'da zuhûr eden kasırga için 5.000 1926 Temmuz'unda Sen Dominik Cumhûriyeti'nde zuhûr eden kasırgalar 5.000 1926 Ağustos'da Asor adaları hareket-i arzı için 5.000 1926 Eylül'ünde Turks adalarıyla Caicos adaları kasırgası için 1.000 1926 Eylül'ünde Bahama adaları kasırgası 2.000 1926 Meksika'da zuhûr eden fırtına ve feyezânlar için 5.000 1926 Teşrin-i Evvel'inde Ermenistan zelzelesi için 5.000 1926 Teşrîn-i Evvel'inde Küba adası kasırgası için 100.000 1926 Teşrîn-i Sânî'sinde Filipin adaları kasırgası için 10.000 1926 Kânûn-ı Evvel'inde Arnavudluk zelzelesi 1.000 1927 Mart'ında Japonya zelzelesi 50.000 Bundan mâʻadâ, Amerika Salîb-i Ahmeri 1926 Teşrîn-i Evvel'inde Bahama adasında zuhûr eden kasırga için mahalline bir heyʼet-i tıbbiye iʻzâm etmişdir. _______________ Bulgar Salîb-i Ahmeri 1926-1927 Senesi İcrâât Raporu Haziran'ın 12'sinden 14'[ün]e kadar ictimâʻ eden meclis-i umûmîye Bulgar Salîb-i Ahmeri'nin takdîm etdiği 31 Mart 1927 târîhinde hitâm bulan seneye âid icrâât raporundan zîrdeki maʻlûmâtı iktibâs ediyoruz: Bulgar Salîb-i Ahmeri'nin 11.879 aʻzâsı ve 89 şuʻbesi vardır. Sene-i merkûme zarfında aʻzâ adedinde görülen tezâyüd 3.489'dur. Salîb-i Ahmer Hastahânesi Bulgar Salîb-i Ahmer Hastahânesi yüz hasta kabûl edebilecek bir vüsʻatdedir. Hastahâne, biri tıbbî ve diğeri cerrâhî olmak üzere iki kısımdan müteşekkil olup üç tabîb, altı tabîb muʻâvini, 12 hastabakıcı, bir eczâcı, bir eczâcı muʻâvini ile idâre edilmekdedir. İşbu müddet zarfında kabûl ve tedâvî edilen hastaların mikdârı 1.388 ve eyyâm-ı tedâvî 37.000'dir. Radyoloji kısmında 1.287 muʻâyene ve 431 ameliyât icrâ edilmişdir. Hastahâneye merbût dis- panserde muʻâyeneleri icrâ kılınan hastaların mikdârı 3.884'dür. *** [303] Hastabakıcı Mektebi Bulgar Salîb-i Ahmer Hastabakıcı Mektebi, hastahânenin kurbunda kâindir.