HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 4026 Bu mektebde müddet-i tahsîliye üç sene olup üç ayı ihzârî derslere, iki senesi nazarî ve amelî derslere tahsîs edilmiş ve tâlibât gerek Salîb-i Ahmer hastahânesinde gerek dârülfünûna merbût serî- riyâtlarda dokuz ay staj görmekdedirler. Hastabakıcıların "çocuk bakımı"nda kesb-i mümârese etme- leri için geçen Şubat'da ayrıca kurslar teşkîl edilmişdir. Bulgar Salîb-i Ahmeri Ekânîm-i Selâse tarîkatına dâhil 34'ü Rus ve 123'ü Bulgar olmak üzere 157 râhibeyi de cemʻiyete mâl etmişdir. İcrâ-yı vazîfe edemeyecek vazʻiyetde kalmış hastabakıcılarla muvakkaten Sofya'da bulunan hemşîreleri ibâte ve iʻâşe etmek üzere Bulgar Salîb-i Ahmeri bir yurd teʼsîs etmişdir. Ziyâretçi hastabakıcıların bir sene zarfında mesken-i ziyâretleri 3.595'[e] bâliğ olmuşdur. *** Himâye-i Etfâl Beynelmilel Etfâle Muʻâvenet Birliği'nin Sofya şuʻbesi Salîb-i Ahmer'in taht-ı himâye ve idâre- sinde bulunmakdadır. Birliğin Sofya'da şehrin fukarâ mahallâtında dokuz şuʻbesi vardır. Çocuk bakımı için Sofya'da tertîb edilen sergi gâyet iyi netîceler vermişdir. Yirmi kadar şehirde teşhîr edilen bu sergiyi 190.000 kişi ziyâret etmişdir. Himâye-i etfâl mesâili ile alâkadâr diğer müessesât-ı hayriyenin de iştirâki ile Bulgar Salîb-i Ahmeri memedeki çocuklara yapılacak takayyüd ve ihtimâma dâir çok konferanslar tertîb etmişdir. Verem ve dâü’l-küûl nokta-i nazarından çocukların şerâit-ı sıhhiye-i umûmiyesiyle tarz-ı tegad- dîleri sûret-i husûsiyede tedkîkât icrâsına mevzûʻ olmuşdur. Himâye-i etfâl şuʻabâtı çocuklara yapılacak ihtimâm hakkında vâlideler için risâleler tabʻ ve tertîb etmişdir. *** Gençlik Salîb-i Ahmeri Bulgar Gençlik Salîb-i Ahmeri'nin 1926 senesi nihâyetinde aded-i aʻzâsı 38.418'[e] bâliğ ol- muşdur. Muʻâvenet-i mütekâbile umdesini taʻkîb eden bu gençlik fakîr talebeye meccânen gıdâ ve kitâb dağıtmış, hasta çocukları ziyâret etmiş, âciz ve amel-mânde ihtiyârlara muʻâvenetde bulunmuş, hıf- zıssıhhaya taʻalluk eden mesâʻîde taʻtîl kolonilerine çocuk göndermiş, mekteblere lavabo ve eczâ sandıkları mübâyaʻa etmişdir. Bunlardan mâʻadâ, Gençlik Salîb-i Ahmer aʻzâsı sınıfların ve oyun mahallerinin tahâret ve nezâfetini bizzât derʻuhde ve hıfzıssıhha musâhabeleri tertîb ve malarya mücâdelesine iştirâk etmiş- dir. Bu gençler mekteblerinin bâğçelerine tanzîm ve eşcâr gars etmişler ve kuşlara ve hayvânâta dâimâ âsâr-ı şefkat göstermişlerdir. Mektebler arasında teʻâtî edilen muhâberâtda Almanya, Avusturya, Belçika, Danimarka,