HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 78 4027 Cemâhîr-i Müttehide-i Amerika, Fransa, İngiltere, Filipin, [304] adaları, Japonya, Norveç, Sırbistan ve Çekoslovakya milletleri etfâliyle münâsebât teʼsîs etmişlerdir. Bulgar Gençlik Salîb-i Ahmer Mecmûʻâsı 'nın aded-i tabʻı 6.000'dir. *** Depolar Bulgar Salîb-i Ahmer depoları bi'l-cümle merâkiz ve şuʻabâta ve diğer müessesât-ı hayriyeye eczâ ve malzeme-i tıbbiye iʻtâ etmekdedir. *** Dârüleytâm İnşââtı bu sene hitâm bulacak olan Yanbolu Salîb-i Ahmer Dârüleytâmı için mühim teberruʻda bulunulmuşdur. Bu müessesenin 23 odası vardır. Senelik masârıfı 250.000 levadır. Burgaz ve Yanbolu belediyeleri bu dârüleytâm için büdcelerine her sene muʻayyen bir tahsîsât vazʻ etmekde karâr vermişlerdir. *** Verem Mücâdelesi Tırnova'da memleket hastahânesi kurbunda 40 yataklık bir verem dispanseri teʼsîs edilmişdir. Bu dispanserde ayak tedâvîsine tâbiʻ tutulan müteverrimlerin adedi 868'dir. Dispanser hastalara balık yağı ve mukavvî gıdâ da iʻtâ etmekdedir. *** Taʻtîl Kolonileri Bulgar Salîb-i Ahmeri sekiz taʻtîl kolonisine nakdî ve mâlî muʻâvenetde bulunmuşdur. *** Muhâcirlere Muʻâvenet Bulgar Salîb-i Ahmeri'nin muhâcirlere yapdığı nakdî muʻâvenet faʻâliyeti gâyet mühimdir. Bu sahadaki muʻâvenet ileride mufassalan neşredilecekdir. Müdür-i Mesʼûl: Arif Süleyman