HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4043 Sonbahâr gelince sıtmayı bekleyen ve tarlasında dâimâ bu endîşe ile yaşan ve çalışan millet bugün vâkî ve şâfî tedâbîr-i sıhhiyeyi tatbîk ederek kendisini ve âilesini korumakda ve tamâmen muvaffak olmakdadır. Diğer tarafdan mücâdele teşkîlâtı da uhdesine aldığı sıhhî ve ictimâʻî tedâbîri büdcenin vüsʻü derecesinde tatbîk ve taʻkîb ederek muvaffakiyetler kazanmakdadır. Sıtma yeryüzünde mevcûd beş kıtʻa-i arz üzerinde münteşir bir âfetdir. Bu âfet teʼsîriyle senevî kurbânların adedi yüz binleri geçmekdedir. Birçok millet ve memleketler de bu ictimâʻî belâ ile muz- taribdirler. Bugünkü günde bizden başka sıtma ile mücâdele eden diğer milletler de vardır. Bunlardan Amerika ve İtalya bu husûsda hazerî sûretde çalışan ve muvaffak olan hükûmetlerden sayılabilirler. Amerika'nın cenûb hükûmetleri ve bilhâssa Mississippi havâlîsi pek vâsiʻ bataklıklar ile dolu- dur. Virginia, Mississippi, Missouri ve Alabama ilh. gibi hükûmet dâhilindeki köy ve kasabalarda yaz mevsimi sivrisinek ordularından geçilmez bir hâldedir. Burada hükûmetin tabîʻat ile mücâdele- si ehemmiyet kesb etmekde ve bütün bataklıklar ve su birikintilerini kurutmak için büdcenin siʻa-i mâliyesi kifâyet edememekdedir. Maʻamâfîh halk kendi huzûr u râhat ve sıhhat ü âfiyetleri için şahsî korunma tedâbîrini ihmâl etmemişler ve evlerini, meskenlerini tel kafesler ile kapamışlardır. Diğer tarafdan hükûmet mevcûd sıtmalıları birer birer meydâna çıkararak muʻâyene ve tedâvî etmekde ve kanlarında sıtma tufeylâtı gâib oluncaya kadar taʻkîb etmekdedir. Bu cihetle Amerika'nın bu mıntı- kalarında sıtma vukûʻâtı tedrîcen tenâkus etmekde ve salgın tehlikesi sene be-sene zâil olmakdadır. Roma İmparatorluğu'nun enkâzı üzerinde meydâna çıkan İtalya'da ise sıtma mücâdelesi her husûsa takdîmen senelerden beri taʻkîb edilen bir husûsdur. Hiç unutmamalıdır ki, Roma İmparator- luğu'nu hâk ile yeksân eden âmil-i müessirin sıtma olduğunu târîh-i sıhhî kaydetmekdedir. Sıtma İtalya'da ihbârı mecbûrî olan hastalıklardandır. 1926 senesindeki sıtma vukûʻâtı 220.602 kişi kaydedilmişdir. Burada Rockefeller Cemʻiyeti'nin muzâhereti ile bilhâssa cenûb kısmında vâsiʻ sıtma mücâdele teşkîlâtı yapılmışdır. Bu mücâdele teʼsîrâtındandır ki, İtalya'nın son senelerdeki tezâ- yüd-i nüfûsu şâyân-ı kayıd bir yekûna bâliğ olmuş ve Roma enkâzı üzerinde yeniden şehir, kasaba ve köyler fışkırmağa başlamışdır. Biz vatanın ictimâʻî ve sıhhî derdlerinden en mühimmi olan bu mücâdelede zafer-i nihâîye ermek sûretiyle târîh-i harb-i sıhhîde pek büyük bir eser bırakmış olacağız. Ahfâdınız târîh-i sıhhî sahîfelerini okuyunca ecdâdının ulu gazâ ve zaferlerini pür-iftihâr [312] hissetmiş olacaklar ve sıtma muhârebesini zafer ile hitâma erdiren kumanda heyʼetine şükrân borçlarını ödeyeceklerdir. Fi'l-hakîka sıtma yüzünden çökmeğe yüz tutan vatanı kurtarıp ahfâda nüfûs ve servet menbaʻı olarak teslîm eden Cumhûriyet'in bugünkü sıhhat-i umûmiye liderine ve sıtma mesʼelesini bir âcil va- tan mefhûmu diye telâkkî eden ve bu husûsa mütezâyid bir muzâheret göstermekde olan hükûmet icrâ reîsine gelecek neslin şükrân ve takdîrler yağdırmamasına imkân yokdur. Bizler bugün ancak nesl-i âtînin âfiyet ve saʻâdetini düşünmek ve bu mefkûrenin tahakkukunu görmek emelleriyle mesʻûd ola- biliriz.