HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4054 Sene içinde heyʼet-i merkeziyeden münhal olan üç aʻzâlığa intihâb olunan Ali Rıza, Necib ve Habibzâde Ziya Beylerin intihâbları tasdîk edildi. Heyʼet-i merkeziyeden çıkacak beş aʻzânın taʻyîni için kurʻaya mürâcaʻat olunarak misâfir sûretiyle ictimâʻda hâzır bulunan Beynelmilel Etfâle Muʻâvenet Birliği Cenevre Merkez Komitesi Murahhası Matmazel Front tarafından çekilen kurʻa Ali Paşa ile Şemseddin, Neşet Osman, Haydar Muhyiddin, Celâl Sâhir Beylere isâbet etmiş ve Doktor Orhan Tahsin Bey'in teklîfi üzerine bu zâtlar reʼy-i işârî ile müttefikan ve ibkâen intihâb olunmuşlardır. Müteʻâkiben müstaʻfî Nureddin Ali, Ziyaeddin ve Hüseyin Hüsnü Beylerin yerine intihâb olu- nacak üç aʻzâ için nâmzedler gösterilmiş ve ittifâkan Şehremâneti Muʻâvini Şerif, Kandilli Kız Lisesi Müdürü Âkil ve Milliyet Gazetesi Müdürü Ahmed Şükrü Beyler intihâb olunmuşlardır. İstanbul merkezini temsîl etmek üzere Ankara'daki umûmî kongreye yirmi iki murahhasın iş- tirâki lâzım geldiğinden aşağıda isimleri yazılı 22 zât müttefikan intihâb olunmuşlardır. Heyʼet-i merkeziye raporunda İstanbul mahâllât taksîmâtının tensîk ve tebdîli dolayısıyla Hilâl-i Ahmer teşkîlâtında da zarûrî bazı tahavvülâtın icrâsı için istenilen meʼzûniyet müttefikan ka- bûl edilmişdir. Baʻdehû reîs tarafından yeni heyʼet-i merkeziyeye mesâʻîsinde muvaffakiyet temennî olunarak celseye hitâm verilmişdir. Meclis-i Umûmî Murahhasları İsmet Paşa, Kâzım Paşa, Şükrü Kaya Bey, Necati Bey, Avukat Hasan Hayri Bey, Şemseddin Bey, Ziyaeddin Bey, Nureddin Ali Bey, Hakkı Tarık Bey, Mehmed Asım Bey, Hâkim Rıza Bey, Se- lahaddin bin Neşet Bey, Hüseyin Hüsnü Bey, Doktor Burhaneddin Bey, Süreyya Paşa, İhsan Paşa, Avukat İhsan Bey, Bakteriyolog Refik Bey, Kâtib-i Umûmî Safvet Bey, Riyâset-i Cumhûr Kâtib-i Umûmîsi Hikmet Bey, Edib Servet Bey, Doktor Ali Paşa Hilâl-i Ahmer Reîsi Ali Paşa'nın Nutku Memleketimiz teşnegân-ı mehâsin ve irfânının şu mümtâz mecmaʻı teşrîf ve tenvîr eden heyʼet-i aliyyelerini kemâl-i taʻzîm ile selâmlar ve ulüvv-i himmetinizle tahakkuk eden hidemât-ı hayriyenin maʻraz-ı şükrânı olan kongremizin küşâdına müsâʻadelerini niyâz ederim. Daha biraz evvel şurada ellinci yıldönümünü kutluladığımız Hilâl-i Ahmer'in teessüsü târîhinden bugüne kadar geçirdiği tekâ- mül safhaları ve ibrâzına muvaffak olduğu hizmetler, hayırlı işler hepinizin maʻlûmudur. Yalnız şimdi okunacak senelik raporun mütâlaʻasından anlaşılacak bazı husûsâtın bu seneyi size [324] daha beşûş, daha münevver göstereceğini ümîd ediyorum. Çünkü mütemâdî harblerle geçen yıllarda bile halka karşı vazîfesini ihmâl etmeyen Hilâl-i Ahmer bugün büyük rehberin yüce himmetiyle kavuşulan sulh sâyesinde halkımıza karşı deyn-i şükrânını daha vâsiʻ, daha serbest îfâya ve bu sûretle her tarafda açlara, çıplaklara, muhtâclara vüsʻü nisbetinde yardım etmeğe başlıyor ve hayır ve hizmetin zevk-i maʻnevîsinden nasîbedâr oldukça tüvân-ı dimâğîsini artırıp hulken tekâmül eden efrâdın günden güne mehâsine meyli ile hulken de tekâmülü iki sene zarfında aded-i aʻzâmızın on bir bini geçmesi ile sâbit oluyor ve fakr içinde gınâ gösterenn halkımızın bu haslet-i mümtâzesi âtî için bize pek büyük ümîdler veriyor. Hiç şübhe yokdur ki, insânın ilk mütemeddin nesilleri, ilk yardımı kendi evlâdına ikinci ham- lesini akrabâ ve eviddâsına, üçüncü safhayı ise komşularına hasr u tahsîs etmiş ve insânlar arasında ülfet ve istînâs bu sûretle teessüs eylemişdir. Bugün medenî cihânın sâkinleri dünyânın bir ucundan öteki ucuna yardım yetiştirdiği gibi bu