HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4055 yardımların şeklinde gösterilen yenilikler ile de yeni nesilleri, gençliği maʻnen ve mâddeten yüksel- tiyor, her gün yeni bir terakkî safhasını gözlerimizin önüne seren Salîb-i Ahmer risâleleri bu hayır cemʻiyetlerinin delâleti ile yeni yetişen yavrular için hâzırlanan hayâtî, sıhhî taʻlîmgâhları, eğlence, tenezzüh yerlerini, sahrâ mekteblerini ve bu sâyede yetiştirilen bünyesi kuvvetli gençlere tatbîk olu- nan rûhî telkîh ve telkînleri bize pek vâzıh bir sûretde gösteriyor ki, bütün bu hareketler, bu himmet- ler, âtîsini koruyan, selâmetini düşünen, solunu, sağını ve önünü gören, istikbâline emniyetle bakan milletlerin bugünkü işi ve meşgalesidir. O hâlde bizim de onları naklîd etmemiz iktizâ etmez mi? Hem de bu himmetleri birkaç kuvvete refʻ u iʻlâ ederek… İşte bu zevk-i maʻnevînin besleyeceği ümîdi kuvvetlendirmek isteyen hamiyetkârlar, maʻnevi- yetin hiçbir vakit istignâ edemeyeceği mâddî kudretini artırmak için de iʻâneyi kâfil olan aʻzâ adedini çoğaltma işini dâimâ elde bulundurmalı, dâimî yardımı, âidâtı artırmalı ve artırmalıdır. Bir sofrada tufeylî istitʻâm ile müstahzır olarak istitʻâmın zevki elbette bir değildir. Hilâl-i Ahmer, himmetkâr- larına bir hân-ı şükrân tertîb ederse bu sofranın hiç tereddüdsüz başına Çatalca Şuʻbesi Reîsi Osman Efendi'yi oturtmalıyız. Çünkü bu muhterem arkadâş iki senede 2.901 aʻzâ kaydetmiş ve bir ay zar- fında merkezimize bin lira gibi mühim bir meblağ göndermişdir. Kendisini her bâr hürmetle anarım. Binâenaleyh merdâne himmetden aldığımız ve alacağımız ders-i intibâhı unutmamalı ve bu sözleri de o sâyede söylediğimizi bilmeli ve ona göre düşünmeli. Çocuklarımızı da ona göre yetiştirmeli ve onları bu gibi müessir ve hayırkâr intibâʻlara vâris etmeliyiz. Mâ-hasal, muhterem vâlidelerden ve hemşîrelerden, faʻâl iʻâne heyʼetleri teşkîl ve kıymetli gençliğimizi de müterakkî milletlerin çocuklarına tatbîk eyledikleri Gençlik Hilâl-i Ahmeri teşkîlâtı- na teşvîk ederek gelecek sene büyük müncîden mülhem olduğumuz vechile ictimâʻî rüşdümüzle mü- tenâsib bir şekilde isbât-ı kemâl için tevkîfât-ı Samedâniyeye mazhariyetimizi istidʻâ eder ve lütf u himmetlerinin mütezâyiden devâmını dilerim. [325] İstanbul Merkezi Yeni İdâre Heyʼeti 2 Mart kongresinden sonra ilk defa ictimâʻ eden İstanbul merkezi yeni sene için 8 Mart'da heyʼet-i idâre intihâbâtını yapmışdır. İntihâbâtın netîcesi şudur: * Reîs: Doktor Ali Paşa * Reîs-i Sânî: Sıhhiye Müdürü Ali Rıza Bey * Kâtib-i Umûmî: Âkil Bey * Fahrî Muhâsebeci: Hasibzâde Ziya Bey * Fahrî Veznedâr: Milliyet Gazetesi Müdürü Ahmed Şükrü Bey Yeni heyʼet-i idâreye muvaffakiyetler temennî ederiz. _______________ İzmir Hilâl-i Ahmer Merkezi İctimâʻ-ı Umûmîsi 19 Şubat 1928 târîhine musâdif Pazar günü sâʻat on beşde hükûmet konağı salonunda akdedi- len İzmir Hilâl-i Ahmer Merkezi ictimâʻ-ı umûmîsinde aʻzâ-yı mevcûdenin nisâb-ı nizâmîyi teʼmîne kifâyeti anlaşıldıkdan sonra celse küşâd ve riyâsete Vâlî Kâzım Paşa hazretleri, riyâset-i sâniyeye Doktor Mustafa Enver, kitâbete de Doktor Edhem Beyefendiler ittifâkla intihâb olunarak müzâkerâta ibtidâr kılınmışdır.