HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4056 Hilâl-i Ahmer Merkez Reîs-i Sânîsi Hüsnü Beyefendi ilk evvel söz alarak reîsicumhûr hazret- leriyle başvekîl ve Büyük Millet Meclisi reîsi paşalar hazerâtına ve Hilâl-i Ahmer Merkez-i Umûmîsi Riyâseti'ne bu ictimâʻ vesîlesiyle şükrân ve taʻzîm telgrafları keşîdesini teklîf eylemiş ve teklîf-i vâkiʻ müttefikan kabûl olunmuşdur. Bilâhare Kâtib Doktor Edhem Beyefendi tarafından Hilâl-i Ahmer İzmir Merkezi'nin 1927 se- nesi zarfındaki mesâʻî ve icrââtını mübeyyin heyʼet-i merkeziye raporu kırâat edilmiş ve hitâmında makâm-ı riyâsetden bu husûsda söz verildikde sükût-ı cârî olması üzerine aʻzâdan İzmir Borsa Komi- seri Kemaleddin Beyefendi söz alarak heyʼet-i merkeziyenin bir senelik muhassıla-i mesâʻîsi demek olan bu raporun 1 her fıkrasında faʻâliyet eserlerinin bâriz bir şekilde görüldüğünü ve bu iʻtibârla raporun tarz-ı tahrîrindeki tevâzuʻa rağmen sarîh bir muvaffakiyât silsilesi karşısında bulunulduğunu ifâde eylemiş ve heyʼet-i umûmiyenin bu rapor karşısındaki sükûnetin derin bir hayret ve takdîrden başka maʻnâya haml edilemeyeceğini tavzîh ile heyʼet-i merkeziyeye alenen teşekkür ve kendilerini tebrîk etmişdir. Baʻdehû sene-i âtiye büdcesi tedkîk ve tezekkür olunarak aynen ve müttefikan kabûl edildikden sonra rûznâmenin cemʻiyete vâridât teʼmînine mütedâir olan mâddesine geçilmişdir. Aʻzâdan bir zât sinema biletlerine birer kuruşluk şefkat pulu ilsâkını, diğer bir zât da lüks eşyâya on paralık şefkat pulu ilsâkını teklîf eylemişler ve bunu müteʻâkib Borsa Komiseri Kemaleddin Beyefendi söz alarak cemʻiyet vâridâtını tezyîd için burada akla bazı şeylerin gelebileceğini ve nitekim iki zâtın şâyân-ı te- dkîk noktalar gösterdiğini, fakat buna mukâbil bazı mühim vâridât çârelerinin de evvelden müstahzar bir şekilde gelinmediğinden derhâl hâtırlanamayacağını ifâde eylemiş ve bu husûsda asıl vazîfedâr heyʼet-i merkeziye olduğundan onların bu işle iştigâlini ve aʻzâdan bu bâbda herhangi bir fikri olanla- rın da istedikleri an ve zamânda mülâhazalarını heyʼet-i merkeziyeye bildirmelerini ve bu sûretle serîʻ karârlar yerine daha etrâflı tedkîk mahsûlü mukarrerât [326] ittihazının kâbil olacağını söylemişdir. Kemaleddin Bey'in bu mütâlaʻası heyʼet-i umûmiyece tasvîb edilmişdir. Tarsus Hilâl-i Ahmer Şuʻbesi'nin çiçek tevzîʻ heyʼet-i faʻâlesindten bir grup Groupe distribuant la fleurette du Croissant-Rouge à Tarsous 1 Raporu gelecek nüshamızla neşredeceğiz.