HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4057 Bundan sonra on beş zâtdan mürekkeb heyʼet-i merkeziye aʻzâsından isimlerine kurʻa isâbet eden Nakiye ve Saadet Hanımefendilerle Doktor Hulusi, Doktor Bahtiyar ve tüccârdan Cemal Şa- hingeri Beyefendilerin yerlerine reʼy-i hafî ile yenilerinin intihâbı husûsuna başlanmış ve derc edilen reʼy pusulalarının tasnîfini müteʻâkib mevcûd 53 zâtın ârâya iştirâk eylediği ve netîcede 46 reʼy ile Borsa Komiseri Kemaleddin, 24 reʼy ile Doktor Baytiyar, 23 reʼy ile Avukat Arabzâde Cevdet, 21 reʼy ile Sıhhiye Müdürü Lütfi, 22 reʼy ile Doktor Hasan Yusuf Beyefendilerin ihrâz-ı ekseriyet etdik- leri ve bu zevâtı müteʻâkib Doktor Fatma Hanımefendi'nin 17 ve Rukiye Avni Hanımefendi'nin de 18 reʼy aldıkları anlaşılmışdır. Bu netîce üzerine Reîs Vâlî Kâzım Paşa hazretleri geçen sene heyʼet-i merkeziyede dört hanım aʻzâ mevcûd olduğunu, bu sene de bu nisbeti muhâfaza için erkeklerden reʼy sırasıyla dördüncü ve beşinci gelenlerin yerine kendilerinden birkaç reʼy eksik almış olan iki hanımefendiyi heyʼete idhâlinin muvâfık olacağını dermeyân eylemişlerdir. Aʻzâdan Operatör Feri- dun Beyefendi hanımların heyʼetde muʻayyen bir nisbet dâhilinde bulunması hakkında nizâmnâmede sarâhat mevcûd olup olmadığını sormuş, Cemʻiyet Reîs-i Sânîsi Hüsnü Beyefendi de nizâmnâmede buna dâir bir kayıd ve işâret olmadığını, şu kadar ki vaktiyle merâkizde ayrıca bir de hanımlar heyʼet-i merkeziyesi mevcûd iken nizâmnâmenin taʻdîlinde [327] bu ikiliğin refʻiyle heyʼet-i merkeziyenin müştereken hanım ve beylerden terkîbinin düşünüldüğünü ve merkez-i umûmî kongresinde bu vec- hile müzâkere cereyân etdiğini beyân ve buna binâen iki sene evvel mülgâ hanımlar heyʼet-i merke- ziyesinden de dört hanımın heyʼete intihâb edildiğini, maʻamâfîh bugün ârânın üzerlerinde temerküz etdiği zevâtın kâffesi memleketin muhterem sîmâlarından olduğundan şu hâle ve nizâmnâme ahkâ- mına nazaran karâr ittihâzının heyʼet-i muhteremeye âid bulunduğunu ifâde eylemişdir. Müteʻâkiben aʻzâdan Avukat Cevdet Beyefendi söz alarak îcâbında hanımların erkeklerin göremeyeceği işleri ba- şarması cihetiyle on beş kişilik heyʼet-i merkeziyede hanımların bulunmasının menâfiʻ-i cemʻiyet ik- tizâsından olduğunu söylemiş ve bilâhare Sıhhiye Müdürü Lütfi Beyefendi, hanımların tercîhinin pek muvâfık olacağını, kendi reʼyini maʻa'ş-şükrân altıncı olarak hâiz-i ekseriyet olan Rukiye Hanım'a terk etdiğini ifâde eylemesi üzerine beyânât-ı vâkıʻa heyʼet-i umûmiyece alkışlarla karşılanmışdır. Tarsus Hilâl-i Ahmer ve Himâye-i Etfâl Cemʻiyetleri tarafından ilbâs edilen evlâd-ı şühedâ Groupe représentant membres du Croissant-Rouge et de la Protection de lʼEnfance qui ont habillé les orphelins de guerre