HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4058 Bu sûretle ve sırasıyla heyʼet-i merkeziye aʻzâlığına Borsa Komiseri Kemaleddin, Doktor Bah- tiyar, Avukat Arabzâde Cevdet ve Doktor Hasan Yusuf Beyefendilerle Rukiye Avni Hanım tefrîk edil- mişler ve Sıhhiye Müdürü Lütfi Bey ile Doktor Fatma Hanım mükemmel olarak tesbît kılınmışlardır. Müteʻâkiben merkez-i umûmî kongresine iştirâk için reʼy-i işârî ile ve müttefikan İzmir me- bʻûsları Münir, Kâmil ve Hacı Hüseyin ve Enver Beyefendilerle [328] Reîs-i Sânî Hüsnü ve Doktor Edhem Beyefendiler intihâb edilmişler ve makâm-ı riyâsetçe yeni senenin hayırlı mesâʻî ve muvaffa- kiyât ile tetevvücü temennî olunarak ictimâʻa nihâyet verilmişdir. *** Kongre riyâsetinden reîsicumhûr hazretleriyle Başvekâlet'e, Büyük Millet Meclisi Riyâseti'ne ve merkez-i umûmî riyâsetine arz-ı taʻzîmâtı mutazammın çekilen telgrafnâmelere gelen cevâbların sûretleridir: "-İzmir Hilâl-i Ahmer Kongre Reîsi Vâlî Kâzım Paşa hazretlerine, Hakkımda ızhâr buyurulan hissiyâta teşekkür ve temennî-i muvaffakiyet eylerim. 21 Şubat [1]928 Reîsicumhûr Gâzî Mustafa Kemal " *** "-İzmir Hilâl-i Ahmer Kongre Reîsi Vâlî Kâzım Paşa hazretlerine, Kongrenin samîmî hissiyâtına harâretle teşekkür eder, muvaffakiyetini temennî ederim, efendim. 23 Şubat [1]928 Başvekîl İsmet " *** "-İzmir Hilâl-i Ahmer Kongresi Riyâseti'ne, Hilâl-i Ahmer kongresinin ictimâʻı münâsebetiyle ızhâr olunan samîmî hissiyâta beyân-ı teşek- kürât ederim, efendim. 21 Şubat [1]928 Türkiye Büyük Millet Meclisi Reîsi Kâzım " ***