HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4059 "-İzmir Hilâl-i Ahmer Kongre Riyâset-i muhteremesine, Teşekkür ve bi'l-mukâbele kongre heyʼet-i muhteremesini hürmetle selâmlarım, efendim. 23 Şubat [1]928 Hilâl-i Ahmer Reîsi nâmına Asım İsmail " Sinop Hilâl-i Ahmer Meclis-i Umûmîsi Hilâl-i Ahmer Cemʻiyeti vilâyet meclis-i umûmîsi senelik ictimâʻını 17 Şubat Türk Ocağı Sa- lonu'nda 67 aʻzâsının huzûruyla akdetdi. Celse Heyʼet-i Merkeziye Reîsi Edhem Bey tarafından açı- larak nizâmnâmeye tevfîkan aʻzâyı ictimâʻı idâre etmek üzere bir reîs ve bir kâtibin reʼy-i hafî ile intihâbına daʻvet eyledi. Yapılan intihâb netîcesinde ekseriyet-i ârâ ile riyâsete Vâlî Edhem Bey, kitâbete encümen-i dâimî-i vilâyet aʻzâsından Hüseyin Hilmi Bey intihâb edildiler. Edhem Bey intihâb-ı vâkiʻden ve hakkında gösterilen teveccühden dolayı beyân-ı teşekkürât ederek müzâkerâta ibtidâr edilmişdir. Evvelâ Hüseyin Hilmi Bey'in teklîfi üzerine Hilâl-i Ahmer aʻzâsından olup son bir sene zarfın- da rahmet-i hakka kavuşan Hacı Hasanzâde Şükrü, Dizdarzâde Kemal, Hapishâne Başkâtibi Ahmed Beylerle Düyûn-ı Umûmiye Meʼmûru İsmail Hakkı, Müftüzâde Bakkâl Abdullah Efendilerin hâtı- ralarına hürmeten celse beş dakîka taʻtîl edildi ve aʻzâ-yı mevcûde kâimen müteveffâ-yı mûmâiley- himin rûhlarına fâtihalar ithâf edildi. Heyʼet-i merkeziyenin bir senelik icrâât ve muʻâmelâtına âid raporu okunarak müttefikan tasvîb olundu. Heyʼet-i merkeziyece ihzâr edilen 1928 senesi büdcesi vâridât ve masârıfât fasılları birer birer okunarak kabûl edildi. Baʻdehû on beş zâtdan mürekkeb olan heyʼet-i merkeziye aʻzâlarından sü- lüsünün ihrâcı için Hüsniye Kahraman, Makbule Tayyar Hanımlar tarafından kurʻa çekildi. Kurʻa netîcesinde heyʼet-i merkeziyeden Hasan Fikri, [329] Hüseyin Hilmi, Doktor Şerefeddin, Baytar Şükrü, Berber Müfzüzâde Osman, Muʻallim İsmail Hakkı Beylerle Hacı Atike Hikmet Hami, Ebe Muzaffer, Muʻallim Sabiha İhsan Hanımlar ibkâen aʻzâlıkda kaldılar. İsimlerine boş kurʻa isâbet eden Vâlî Edhem, Orman Başmüdürü Şükrü Beylerle Nuriye Şerefeddin, Nezihe Fevzi, Hâfıze Zehra Zihni Hanımların yerine yeniden intihâb icrâ edilerek ârânın tasnîfi netîcesinde zevât-ı mûmâileyhim ibkâen heyʼet-i merkeziye aʻzâlıklarına intihâb edildiler. Şu sûretle heyʼet-i merkeziyede bir tebeddül olmadı. Müteʻâkiben Hilâl-i Ahmer menâfiʻine âid aʻzâdan Kahraman Bey'le rüfekâsı tarafından ve- rilen takrîr okunarak bu husûsda Hakkı Sami ve Hüseyin Hilmi Beyler tarafından beyân-ı mütâlaʻa edildikden sonra teklîf edilen mevâddan tütün arzuhâlleri ücret-i tahrîriyesinin kemâ fi's-sâbık Hilâl-i Ahmer'e hasr u tahsîsi husûsunda merkez-i umûmî nezdinde teşebbüsâtda bulunulmasına, kayık yarı- şı vesâire gibi eğlenceler tertîbi ve merkez kazâsı dâhilinde yazın bir heyʼetin seyâhat ederek Hilâl-i Ahmer'e aʻzâ kayıd ve iʻâne cemʻinin teʼmîni husûsâtının da heyʼet-i merkeziyece icrâsı müttefikan kabûl edildi. Hilâl-i Ahmer Cemʻiyeti'nin hâmî-i muʻazzamı Reîsicumhûr Gâzî Mustafa Kemal Paşa haz- retleriyle cemʻiyetin reîs-i fahrîsi İsmet Paşa hazretlerine meclisin hissiyât-ı taʻzîmkârânesinin arz u iblâğı ittifâkla karârgîr oldu. Rûznâmede başka müzâkere edilecek bir cihet kalmadığndan ictimâʻa sâʻat üç buçukda nihâyet verildi.