HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4064 olmuş demekdir. Bâlâda arz etdiğimiz masraflarımız meyânında yeni binâmızın taʻmîr ve telvîni için 221 lira, demirbaş eşyâ mübâyaʻatı için 569 lira da dâhil bulunduğuna ve ayrıca ellinci sene-i devriyemizin tesʻîdi için ihtiyâr-ı masârıf edilmiş olduğuna nazaran heyʼet-i merkeziyemiz kavâʻid-i iktisâdiyeye ne dereceye kadar riʻâyetkâr bulunduğu takdîr buyurulur ümîdindeyiz. Bu sene ellinci sene-i devriyesini ikmâl ve tesʻîd etmekle bahtiyâr olan cemʻiyetimizin Türk'ün hayât-ı ebediyesiyle müterâfık olarak pâyidâr olması kalbimizin en muʻazzez dileklerinden birisini teşkîl eder. İşte cemʻiyetimizin bu ebedî hayâta olan istihkâkını bir kat daha teʼyîd için bir Hilâl-i Ah- mer binâsı tedârük ve teʼmî[ni]ne çalışdık. Şimdi sevimli bayrağımızın üzerinde şerefle dalgalandığı bu binâyı bedeli sekiz [333] senede müsâvî taksîtlerle teʼdiye edilmek üzere 7.500 liraya müzâyede sûretiyle satın aldık. Bir tarafdan da takâsît-i muʻayyenenin büdcemize bâr olmaksızın teʼmîni es- bâbına tevessül edilerek veznemizde mevcûd beş bin lirayı yüzde dokuz fâizle İstanbul'da Emniyet Sandığı'na tevdîʻ etdik. Bu sûretle senevî 450 lira fâiz teʼmîn etmiş olacağız. Yeni binâmızın müş- temilâtından bulunan mağazaları da 465 liraya îcâr etdik. Bi'n-netîce senevî 915 lira olarak teʼmîn edilen menfaʻati taksîtlerimizin teʼdiyesine hasr u tahsîs etmiş oluyoruz. Sekiz sene sonra bunlardan borcumuz kalmadığı zamân hem beş bin liramız tekrâr veznemize avdet etmiş olacak hem de beş yüz lira kadar îcâr-ı vâridâta ve bir de Hilâl-i Ahmer binâsına sâhib bulunmuş olacağız. Mübrem ve meşkûr masârıfımız cümlesinden olarak cemʻiyetimizin dispanserine [1]927 senesi zarfında mürâ- caʻat eden 11.119 hastanın muʻâlecâtı meccânen iʻtâ olunmak sûretiyle emir ve tedâvîlerine ihtimâm olunmuşdur. Bundan başka iki yüz seksen iki frengili hastaya neo-salvarsan tatbîk edilmişdir. Tarsus Hilâl-i Ahmer Şuʻbesi'nin çiçek tevzîʻ heyʼet-i faʻâlesinden bir grup Groupe distribuant la fleurette du Croissant-Rouge à Tarsous Geçen sene verdiğimiz balo hâsılâtı 1.343 lira 32 kuruş olduğu gibi bu seneki hâsılâtımızdan 1.191 lira kırk dokuz kuruş Kânûn-ı Evvel ayında tahsîl edilerek îrâdımıza alınmış ve mütebâkî bilet