HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4065 esmânı da ahîren yüz on lira olarak bi't-tahsîl bu ay içinde îrâdımıza geçirilmişdir. Şu hâle nazaran sene-i hâliyede balo hâsılâtımızın sâfi 1.301 lira kırk dokuz kuruşa bâliğ olduğu anlaşılmışdır. Nezîh ve kibâr bir âile ictimâʻı hâlini alan son balomuza teşrîf eden zevâtın mikdârı mahdûd [334] olduğu hâlde hâsılâtımızın bi'n-nisbe yüksek bulunması bilet fürûhtu husûsundaki gayretleri- mizden neşʼet etmişdir. Nevşehir Hilâl-i Ahmer Şuʻbesi Heyʼet-i İdâresi ile rozet tevzîʻ heyʼeti Groupe représentant le comité du Croissant-Rouge de New-Chehir Maʻa-hâzâ bu gibi asrî teşebbüsâtın kâbiliyet-i medeniyesinin yüksekliğinde bir an için bile tereddüd câiz olmayan muhîtimizde mütekâmil bir sûretde inkişâf etmekde olması hasebiyle gerek balolarımıza icâbete, gerekse heyʼet-i ictimâʻiyemizin beşerî teʻâvünü günden güne daha çok şâyân-ı şükrân bir hâlde idrâk eylemekde olması dolayısıyla taʻahhüdât-ı şehriye veya seneviyenin mukaddes bir borç olarak bir an evvel tesviyesine âtiyen daha mütehâlikâne şitâb edeceklerine olan iʻtimâdımızı da huzûrunuzda ızhâra fürceyâb oluyoruz. El-yevm aʻzâmız mikdârı 1.093'dür. Bir milletin tekâmül-i ictimâʻiyesine delâlet eden hayır ve şefkat cemʻiyetlerinin zinde ve ebediyen pâyidâr bir hayâta sâhib olabilmeleri ancak bu çok mühim noktanın takdîr edilmesine mütevakkıf olduğunu bu vesîle ile de tekrâr etmekliğimize müsâʻade buyurulmasını ricâ ederiz. Vâridâtımız meyânında bir-iki kalem de ta- hakkukâtımızdan pek dûndur. Meselâ kurbân derilerinden hiç hâsılât almadık. Sâniyen, şefkat pulları hâsılâtı tahmînimizden hemen yarı mikdâr azdır. Kurbân derileri tamâmen Tayyâre Cemʻiyet-i muhteremesi tarafından toplanarak esmân-ı hâsı- lası merkez-i umûmîye gönderilmişdir. Hâlbuki bunun yüzde otuz mikdârı cemʻiyetimize âid olduğu cihetle geçen seneki hâsılât-ı umûmiye mikdârı olan 1.101 liradan yüzde otuz hesâbıyla üç yüz lira otuz kuruşun bi't-tahsîl hesâbımıza îrâdıyla netîceden maʻlûmât iʻtâsını merkez-i umûmîmizden [335]