HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4066 ricâ eyledik. Şefkat pulları hâsılâtı da bizden sonra tayyâre pulları ihdâs edildiği için tahmînimizden yarı yarıya noksân bir hâldedir. Bunların yüzde bir mikdâr âidâtla teʼmîn-i fürûhtu için yeni senede ittihâz-ı tedâbîr edilmesi cemʻiyetimizin menfaʻati iktizâsındandır. Birecik Hilâl-i Ahmer Şuʻbesi Heyʼet-i İdâresi Groupe représentant le comité du Croissant-Rouge de Biredjik Takdîm etdiğimiz bilançoda mukayyed olduğu vechile 1 Kânûn-ı Sânî sene [1]928 târîhine kadar 9.929 lira 26 kuruş bir mevcûdla dâhil olmuş bulunuyoruz. Meblağ-ı mezbûrdan beş bin lirası İstanbul'da Emniyet Sandığı'na yüzde dokuz fâizle tevdîʻ olunmuşdur. 937 buçuk lira yeni binâmız için depozito olarak mâliyeye mevdûʻdur. 2.027 buçuk lira mukâbili menbaʻ suları da yedimizdedir. Bin beş yüz lirasını geçen ay merkez-i umûmîmize takdîm etdik. Mütebâkî 464 lira 26 kuruş da vez- nemizde mevcûddur. Ümîdvârız ki, muhterem halkımız uğrunda bir vicdân gayretiyle çalışdığımız cemʻiyetimizin teʻâlî ve inkişâfı için daha ziyâde gayret ve faʻâliyet gösterirler ve azîz olurlar. _______________ Mersin Hilâl-i Ahmer Kongresi Şubat'ın 27'nci Pazartesi günü sâʻat 19'da Mersin Türk Ocağı'nda Hilâl-i Ahmer kongresi ak- dedilmişdir. Kongre vâlî beyin riyâseti altında ictimâʻ etmiş ve Heyʼet-i İdâre Reîsi Kâmil Bey bir senelik mesâʻî hakkında raporunu okumuş, heyʼet-i [336] umûmiyeye maʻlûmât vermişdir.