HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4068 Denizli Merkezi Çivril Şuʻbesi 16 Şubat [1]928 Perşembe akşâmı Çivril şuʻbemizin Hilâl-i Ahmer menfaʻatine tertîb etdiği müsâmereden yetmiş üç lira teʼmîn edilmişdir. Müsâmerede Halk Fırkası aʻzâsından Mehmed Bahaeddin, Tortzâde Nuri, Muhâsebe-i Husû- siye Meʼmûru Mehmed Hulusi, Tahsîl Meʼmûru Mustafa Hulusi, Hilâl-i Ahmer aʻzâsından Yüzba- şızâde Sadık, Muʻallim Eyüb Sabri, Muʻallim Kâmil, Spor Kulübü Reîsi Tahir, aʻzâsından Tortzâde Mustafa Beylerin şâyân-ı takdîr hizmetleri sebk etmişdir. İsimleri mezkûr zevât-ı muhteremeye şükrânlarımızı takdîm ederiz. _______________ Tekirdağ Merkezimizin Köy Şuʻbeleri Pınarlı nâhiyesinde 17 köyde Hilâl-i Ahmer teşkîlâtı mevcûddur. Bunlardan on köy şuʻbesi 1927 senesi zarfında taʻahhüdâtdan vesâireden 174 lira 58 kuruş vâridât teʼmîn etmişdir. Bu köy isimlerini maʻa'l-iftihâr aşağıya derc ediyoruz. Çalışkan şuʻbeler: Pınarlı, Karacakılavuz, Hacı, Karacamurad, Karahalil, Ferhadanlı, Ortaca, Demirli, Kazandere, Sekbanlı karyeleri şuʻbeleri _______________ Trabzon Merkezimizin Fukarâya Yardımı Trabzon'da fırtına, kar ve soğukdan muztarib olan şehrin fukarâ-yı ahâlîsine Hilâl-i Ahmer Merkezi 4 Mart târîhine kadar 950 lira tevzîʻ etmişdir. _______________ Adana Hilâl-i Ahmer Dispanseri Adana Hilâl-i Ahmer Dispanseri'ne şehr-i Şubat zarfında mürâcaʻat eden 548 hastanın muʻâye- ne ve tedâvîleri icrâ ve muʻâlecâtı meccânen iʻtâ edilmişdir. _______________ Isparta Meclis-i Umûmîsi Isparta Hilâl-i Ahmer Heyʼet-i Umûmiyesi Mart'ın ikinci Cuma günü Cumhûriyet Mektebi Sa- lonu'nda ictimâʻ ederek nizâmnâme mûcebince bir reîs, bir kâtib intihâb edilmiş ve heyʼet-i sâbıkanın raporu kırâatla [338] müttefikan tasvîb ve muʻâmelât-ı hesâbiye ve bilanço tasdîk edilmişdir. Bilâ- hare büdce müzâkeresine geçilerek vâridât faslının yekûnu 3.123 lira kırk kuruş ve masraf kısmının yekûnu 1.060 lira olarak kabûl olunmuşdur. Cemʻiyete menâbiʻ-i vâridât teʼmîni husûsunda muhtelif