HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4069 zevât söz alarak bu bâbda uzun uzun münâkaşât cereyân etmiş ve netîcede cemʻiyetin ihzâr etdiği esâsâtın merkez-i umûmîye arzı karârgîr olmuşdur. Müteʻâkiben heyʼetden kurʻa ile ihrâc edilen beş zât yerine reʼy-i hafî ile intihâb yapılarak Doktor Ferid Bey zevcesi Saime Hanım, Mühendis Kâzım Bey zevcesi Nüzhet Hanım, Doktor Süleyman Sami, Doktor Ferid ve Kaçkınzâde Hasan Hüseyin Beyler ittifâkla intihâb edilmişler ve rûznâme-i müzâkerâtda başka mevâd kalmadığı cihetle heyʼet-i cedîdeye muvaffakiyetler temennîsiyle celse taʻtîl edilmişdir. _______________ Trabzon Vilâyeti Hilâl-i Ahmer Kongresi Trabzon Vilâyeti Hilâl-i Ahmer Kongresi, 28 Şubat'da Cumhûriyet Halk Fırkası salonunda Merkez Reîsi Doktor Mehmed İbrahim Bey tarafından açıldıkdan sonra kongre riyâsetine reʼy-i hafî ile Vâlî Said Bey, reîs-i sânîliğe Maʻârif Emîni Tevfik Bey, kitâbete de Mahmud Muammer Beyler intihâb edilmişlerdir. Vâli Bey mevkiʻ-i riyâsete geçdikden sonra reîsicumhûr hazretlerine, Başvekâlet'e, meclis riyâ- setine taʻzîmât ve merkez-i umûmîye arz-ı maʻlûmât telgrafnâmelerinin çekilmesine karâr verildi. Baʻdehû Hilâl-i Ahmer'in 1927 senesine âid mesâʻî ve faʻâliyet raporuyla [1]928 senesi büdcesi kırâat edilerek rapor ve büdce müttefikan kabûl olundu. Heyʼet-i merkeziye aʻzâsından tebeddül edilecek beş zât için kurʻa keşîdesinden sonra taraf-ı riyâsetden yeni sene için yeni heyʼete muvaffakiyet temennîsiyle kongreye hitâm verildi. Kocaeli Vilâyet Kongresi Vilâyet meclis-i umûmîsinin yevm-i ictimâʻı olan 17 Şubat [1]928 Cuma günü ekseriyet hâsıl olamadığından nizâmnâme-i esâsînin 82'nci mâddesine tevfîkan ikinci hafta inʻikâd eden meclis-i umûmîde kongre riyâsetine Doktor Hasan Ömer Bey'in ve kitâbetine Umran Ticârethânesi Sâhibi Esad Bey'in intihâbından sonra reîsicumhûrumuz Gâzî Mustafa Kemal hazretleriyle Başvekîl İsmet Paşa hazretlerine ve merkez-i umûmî riyâset-i celîlesine arz-ı taʻzîmât telgrafnâmelerinin keşîdesine müttefikan karâr verildikden sonra sâbık heyʼet-i merkeziyenin 1927 senesi icrâât raporuyla 1928 senesi büdcesi kırâat olunarak aynen kabûl ve tasdîk edildikden ve Hilâl-i Ahmer menâfiʻine âid teklîfler meyânında Matbaʻa Müdürü Haydar Bey'in "Hilâl-i Ahmer'in vezâif-i ulviyesinden bahisle tezyîd-i vâridâtına çâre aranılmasının insânî bir vazîfe bulunduğu cihetle aʻzâ-yı müfîdenin her biri lâ-ekal bir aʻzânın cemʻiyete kaydına delâlet buyurması sûretiyle âidât-ı seneviyenin bir misline iblâğ edilmesi esbâbının istikmâlini yeni heyʼet-i merkeziyeden temennî etmesi" teklîfi müttefikan kabûl olundukdan sonra sâbık heyʼet-i merkeziye icrââtının şâyân-ı takdîr görülmesine binâen keyfiyetin merkez-i umûmîye arz u inhâsı makâm-ı riyâsetden teklîf olunarak tasvîb olunmuş ve Ankara Mec- lis-i Umûmîsi'ne de Mebʻûs Kılıçzâde Hakkı Bey murahhas intihâb edilmişdir. [339] Şuʻabâtdan vürûd etmeyen büdcelerin tasdîki için heyʼet-i merkeziyeye salâhiyet verilmiş ve baʻdehû 15 aʻzâdan mürekkeb bulunan heyʼet-i merkeziye aʻzâlarından kurʻa keşîdesi sûretiyle ik- mâl-i vazîfe eden Doktor Şahab, Şevket, Nuri Necati Beylerle Eczâcı Yusuf Bey'in ve Hacer Hakkı Kılıçzâde Hanım'ın yerlerine de Sıhhiye Müdürü Hıfzı, Doktor Ziya, Doktor Hasan Ömer Beylerle Eczâcı Hasan Behçet ve Muhâsebe-i Husûsiye Başkâtibi Mustafa Beyler ve müstaʻfî Hatice Hanım'ın