HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4083 [348] Bataklıkların teybîsine önümüzdeki bahârda başlanacakdır. Turuk ve vesâit-i ihtilâtiye ameliyâtı müsâʻid şerâit dâhilinde terakkî etmekdedir. Hasköy ile Rakoski arasındaki demiryolu tefrîşâtı ilerlemekdedir. Malaryanın icrâ-yı hükmetdiği menâtıkda iskân edilen muhâcirlerin tehlikeli vazʻiyetleri mû- cib-i endîşe olmakla berâber ittihâz olunan mücâdele tertîbâtı sâyesinde hastalık bertaraf edilmişdir. _______________ Yunan Polis Meʼmûrları İçin İlk İmdâd Dersleri Yunan Salîb-i Ahmeri polis meʼmûrları için ahîren açdığı ilk imdâd kurlarına ilk defa 60 polis devâm etmişdir. Bu dersleri taʻkîb edecek zâbıta meʼmûrlarına bir küçük ustunç takımı verilecekdir. *** Selanik'de geçen Eylül'de küşâd edilen beynelmilel sergi için Yunan Salîb-i Ahmeri'nin sûret-i mahsûsada inşâ etdirdiği pavyonda bir ilk imdâd merkezi teʼsîs edilmiş ve 300'den fazla vakʻa tedâvî olunmuşdur. *** Japonya Kış Aylarına Mahsûs Hıfzıssıhha Sergisi Mevsim-i şitâda taʻkîbi îcâb eden hıfzıssıhha kavâʻidini halka taʻlîm ü taʻmîm maksadıyla Ja- pon Salîb-i Ahmeri'nin 13 Teşrîn-i Sânî'den 27 Teşrîn-i Sânî'ye kadar Tokyo Merkez-i Umûmî binâ- sında tertîb etdiği hıfzıssıhha sergisi âtîdeki kısımları muhtevî bulunmuşdur: 1-Mevsim-i şitâda ev tathîrâtı 2-Elbise hıfzıssıhhası 3-Hıfzıssıhha-i tegaddî 4-Mevsim-i şitâda en ziyâde icrâ-yı hüküm eden hastalıklar; bunlardan tevakkî ve teşeffî 5-Çocuk hıfzıssıhhası 6-Harekât-ı bedeniye ve sporun fâidesi Tedrîsâtın mütemmimi olarak sergide ayrıca halk konferansları verilmişdir. _______________