HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4103 Hamiyetli Türk En fecîʻ günlerinde, en müşkil zamânlarında imdâdına koşan, sana mümkün olan muʻâveneti yapan Hilâl-i Ahmer'i unutma! Onu sev ve sevdir, ona zahîr ol. Çünkü Hilâl-i Ahmer senin ve hepi- mizindir! [359] GEBE KADINLARAYARDIM –Hilâl-i Ahmer Hemşîrelerine– (76, 77, 79'uncu nüshalardan mâbaʻd) Şâyed tenkıye yapmağa lüzûm varsa daha evvelden tamâmıyla taʻkîm olunarak hâzırlanmış bir tenkıye âleti, kaynamış su bulundurulacakdır ve bu şırınga doktorun taʻyîn edeceği muzâdd-ı mikrop bir mâdde ile olacakdır. Tuvalet için de aynı zamânda büyük ve muʻakkam kaplar lâzımdır. Kadının uylukları mevcûd kan lekeleri kalmayıncaya kadar yıkanmalı ve pislenmiş olan örtü, çarşaflar, fanila, gömlek ve kirli el- biseler değiştirilmelidir. Sonra kadın bu örtü ile örtülerek tamâmen istirâhate terk olunur. Maʻamâfîh bu esnâda mutlakâ nezâret altında bulunacakdır. Halâsı müteʻâkib de halâs esnâsında olduğu gibi kadın herhangi bir tehlikeye maʻrûz kalabilir. Vahîm ve hattâ öldürecek bir derecede nezf gelebilir. Esâsen bu nezfin gelmesi kadının yüzünün uçukluğundan da fark olunabilir. Nabız sürʻatli iken nihâ- yete doğru 60-80'e kadar düşebilir. Esner, heyecâna dûçâr olur, ıstırâb hisseder. Bu gibi ârızalarda vakit gayb etmeksizin hekîm çağırmalıdır. Bu husûsda bir dakîkanın gayb edilmesi kadının hayâtı üzerinde vahîm teʼsîrler gösterebilir. Zamân zamân rahmi cessetmek de iyidir ki, bu da rahmin sert bir kıvâm alarak küçüldüğünü ve göbekden yukarıda bulunmadığını gösterir. Tuvaletden sonra nâhiye-i tenâsüliyeye vazʻ olunan kompresi sık sık yoklamak ve her cihetçe kadında hâiz-i ehemmiyet bir şey olup olmadığını tedkîk etmek lâzımdır. 19-Lohusalık Haml ve doğum sebebiyle tebeddül-i şekl eden kadın cihâz-ı tenâsülîsinin tabîʻî bir hâl alması için geçen zamâna "nefâset" tesmiye olunur. Bu da ilk âdeti görünceye kadar yani doğumdan iʻtibâren altı hafta sürer. Doğurdukdan sonra kadın arka üstü yatacak ve 24 sâʻat ufak bir baş yasdığı ile baş biraz yuka- rıda olmak üzere vazʻiyetini bozmayacakdır. Eğer doktor, muʻâyenesinde rahmi çok büyük bulmazsa kadın yan tarafa da yatabilir. Geniş bir bağ ile kadının karnı çok sıkılmayarak kâfi derecede sarıla- cakdır. Hâricen cihâz-ı tenâsülînin sık sık temizliğine ve hâricden dâhile doğru kirlenmemesine iʻtinâ olunacakdır. Bütün bu temizliği sabâh ve akşâm gerek defʻ-i tabîʻîde bulunduğu ve gerek idrâr etdiği zamânlarda yapmalıdır. Doktor tavsiyesi olmadan katʻiyen hiçbir şırınga yapılmayacakdır. Kadın on gün yatakda kalmalıdır. Cihâz-ı tenâsülînin hâl-i tabîʻîye gelmesi için çok lâzımdır. Aynı zamânda zâyiʻâtın mevcûd olmaması ve nabzın ve derece-i harâretin tabîʻî bir hâl alması îcâb eder. Vakitsiz ayağa kaldırmak bir intâna sebeb olabilir veyâhûd herhangi bir intâna müsâʻid bir vazʻi- yeti bâdî olur.