HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4105 2-Şekil 1'de gösterilen vazʻiyeti almak için diz çökerek has- tanın uyluklarını iki dizinizin arasında kavrayınız. Ellerinizin aya- sını tabîʻî vazʻiyetde böğrüne ve parmaklarınızın uçlarını kaburga kemiklerinin üzerine istinâd etdiriniz. Serçe parmağınız da son kaburganın üzerine temâs etsin. Şu hâlde parmaklarınızın uçlarını göremeyecek bir vazʻiyet almış olursunuz. (Şekil 2) 3-Kollarınızı düz tutarak yavaşça ön tarafa meylediniz ki, sıkletiniz tedrîcen hastanın üzerine yüklensin. Şekil 2'de gösteril- diği cihetle ön tarafa hareketin nihâyetinde omuzlar ellerin hizâ- sına kadar gelecekdir. Dirsekler kırılmayacakdır. Bu hareket iki sâniyede icrâ edilecekdir. 4-Şimdi tazyîki kâmilen izâle için kendinizi hemen geri alı- nız. (Şekil 3) 5-İki sâniye sonra yine öne meylederek ilk vazʻiyeti alınız. Dakîkada on ikiden on beş defaya kadar ameliyeye devâm ediniz. Bu vechile hastaya dört-beş sâniyede bir teneffüs-i tâmme-i sınâʻî verilmiş olur. 6-Teneffüs-i tabîʻî iʻâde olununcaya kadar bilâ-fâsıla tenef- füs-i sınâʻîye devâm ediniz. Olmadığı takdîrde ameliyâtı dört, dört buçuk sâʻat kadar imtidâd etdiriniz. Bundan sonra tabîb hastadan ümîd keserse terk ediniz. 7-Teneffüs-i sınâʻî devâm etmekde iken bir muʻâvin hasta- nın boynunda, belinde ve göğsündeki sıkı elbiselerini gevşetmeli- dir. Hastayı sıcak tutunuz. Hasta kendine gelinceye kadar katʻiyen ağzından bir mâyiʻ vermeyiniz. 8-Hasta cânlandık[dan] sonra kalbini yormamak için otur- masına veya ayakda durmasına müsâʻade etmeyip mutlak yatırma- lıdır. Eğer hasta cânlandığı zamân tabîb gelmemiş ise bir mukavvî verilebilir. Sıcak çay, kahve, bir küçük bardak suda bir çay kaşığı amonyaklı küûl-i ıtrî (aromatic sprik of amonia) [ile] hasta sıcak tutulmalıdır. 9-Cânlandırma ameliyesi hastanın musâb olduğu yerin mümkün olduğu kadar yakınında icrâ [362] edilmelidir. Nefes iʻâ- de oldukdan sonra hasta arka üstü yatdığı hâlde kaldırılması câiz- dir. Eğer ahvâl-i havâiyeden ve ilh. dolayı henüz teneffüs-i tabîʻî iʻâde olunmazdan evvel hastayı kaldırmak mecbûriyeti hâsıl olur- sa cânlandırmak ameliyesine esnâ-yı râhda devâm edilmelidir. 10-Teneffüs-i tabîʻînin az bir zamân için iʻâdesi cânlandırma ameliyesinin bırakılmasını hiçbir zamân intâc etmez. Bazen hasta biraz teneffüs aldıkdan sonra teneffüs yine durur. Hasta müşâhede altında bulundurulup o anda teneffüs-i sınâʻîye be-tekrâr hemen başlanmalıdır. Şekil 2 Şekil 3

RkJQdWJsaXNoZXIy NTY0MzU=