HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4110 redir. Endomixie de dâhil-i hücredir. Dâhil-i hücrede bir ihtilâl-i hücrevî husûle geliyor. Anâsır-ı hayâtiye yekdiğeriyle kaynaşıyor, yoğruluyor ve yeni kaynaşan ve yoğrulan anâsır dâhilinden yeni bir hükûmet ve yeni bir cihâz-ı nüvevî husûle geliyor. Hücrenin dâhilindeki iyonlar arasında husûle gelen isyân ve harekât-ı dâhiliye hücrenin yeni bir şekil almasını mûcib oluyor. Hücre intizâmını gayb etmez. Eğer bu ihtilâl netîcesi hücrenin intizâmı bozulacak olursa tabîʻî bir hücreden çıkar ve kanser hücresine inkılâb eder ki, anarşi netîcesi husûle gelen hâdiseden dolayı hücre idâme-i hayât edemez. Nasıl ki ihtilâllerden sonra hâl-i tabîʻî avdet eder ve memleket daha büyük bir inkılâba doğru terakkî ederse öylece hücre arasında husûle gelen ve endomixie taʻbîr olunan dâhil-i hücrevî isyân netîcelenir ise uzviyet kazanır. Netîcelenmez ise helâk olur. Mütemâdî ihtilâller, bünye-i ictimâʻiyede sarsıntılar yapar. Eğer mütemâdiyen bu sarsıntılar devâm ederse o millet bittabʻ felâkete sürüklenir. Biyolojik hâdisât ictimâʻî hâdiselere müşâbihdir. L. L. Woodruff'un tecrübeleri göstermişdir ki, her ay vasatî olarak 50 batın hâsıl olmakdadır. Tahmînen günde iki batın tahassul etmekdedir. Bütün bu tecrübeler göstermişdir ki, ırkın temâdî-i hayâtı için dâhil-i hücrevî galeyânlara ihtiyâc vardır. Endomixie eskilerin hâricî birleşmeler netîcesi neslin gençleşmesine yardım eden müzâveceye yeni ilâve edilen hâdise-i dâhil-i hücrevî bazı faʻâli- yet-i hayâtiyenin husûlü îcâb etdiğini gösteriyor. Bunlardan anlaşılıyor ki, hüceyrenin temâdî-i hayâtı iki hâdisenin mevcûdiyetiyle kâimdir: 1-Müzâvece (conjugaison) hâricî ve iki hücre arasında 2-Dâhil-i hücre galeyân ve ihtilâl (endomixie) tek bir hücre zerreleri arasındaki tebeddül ve tahavvülâtdır. Mopas'ın taharriyâtı göstermişdir ki müzâveceden sonra nakʻiyelerin yavrularında batî neşv ü nemâ göze çarpar. Müzâvece nakʻiyeler için ölümü ve gayr-ı tabîʻîliği doğuruyor. Müzâvece eden hayvânâtın kudret-i hayâtiyeleri tenâkus ediyor. Hücrenin dâhilindeki (endomixie) hücrenin hayâtını kurtarıyor. Acaba hücrenin dâhilindeki bu fizyoloji hâdiseleri hücrenin temâdî-i hayâtı için kâfi midir? Metalinkof, bunun lüzûmlu olmadığı kanâʻatindedir. Alummiere denilen zâta nazaran zî-hayât uzviyetler kolloidlerden yani gırâî cisimlerden mü- rekkebdir. Bunlar gayr-ı sâbit bir takım ecsâmdır. Bunlar calihavî bir tarzda teressübe doğru dâimî bir hareketleri var. Calhaların teşekkülleri zerrelerin adem-i muvâzene hâlinden muvâzene hâline geçmesidir ki, bu muvâzenenin teessüsü ölümdür. Hayâtın sönmesi ve hitâma ermesidir. Bu husûsda fazla maʻlûmât almak isteyenler bu kitâba mürâcaʻat etmelidirler 3 . [368] Hücreler dâhilindeki gırâî teʻâmülât ve hareketler calhalar teşekkülüne doğru harekete başlarlarsa ölüme doğru yürüyor demekdir. Hücreler arasında dâimâ kolloidî mübâdele vardır. Meselâ bir paremesyum farz edilecek olursa bu paremesyumun inkısâmından tahassul eden nesil, diğer neslin yarısı kadar noksân gırâî mâddeyi hâiz olacakdır. Başlangıçdaki nesil ile sekizinci nesil arasındaki kolloidi ihtivâ etmek dolayısıyla 1/256 nis- betinde bir fark olacakdır. 40'ıncı nesilde kendi unsurlarından trilyonda biri kadar bulunacakdır. Lâ- yemût hücre diyebilmek için nâ-mütenâhî bir sûretde ibtidâî kolloidin bulunması îcâb edecekdir. Bu da acaba kâbil midir? Bu tamâmıyla esâssız bir nazariyeden ibâret kalacakdır. Kolloid nisbeti nesilden nesile azalacakdır. Her zamân yeni bir zahîre iddihâr edilecek ve bu yeni iddihâr edilen gırâî mâddeler yerlerine eskileri ıtrâh olunacakdır. Vücûd eski kolloid iyollerini? atarken yenilerini vücûda getirmeğe hasr-ı mesâʻî edecekdir. 3 Théorie Colleïdal de La Biologie et de La Vie