HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4111 İbtidâî protozoerlerin ebediyen yaşadığı zannedildiği hâlde bunlar parça parça bir ölümle gâib olacakdır. İlk protozoerler tedrîcî bir sûretde zerrelerin mecmûʻaları arasında husûle gelen mütemâdî ölümle gayb olacakdır. Her nesil ibtidâî kolloidin bir parçasını ıtrâh etmekdedir. Öyle bir zamân gelecekdir ki, zer- revî mecmûʻalarından hiçbir zerre kalmayacakdır. İbtidâî protozoerin ölümü parça parça yekdiğerini taʻkîb ederek ilk protozoer ile son protozoer arasındaki kolloid nisbeti en son neslin hücresinde kol- loid mikdârı iʻtibârıyla sıfıra müncer olacakdır. İlk nesil ile kırkıncı gün husûle gelen nesil arasındaki kolloid fark [ve] mikdârı birinciye naza- ran 1/1.000.000.000.000 kadar azdır. Woodruff'un 1907'den 1912 senesine kadar taʻkîb ederek 3.300 aded olarak hâsıl olan nakʻiyenin neslinde ilk nesilden kalan kolloid zerresi 1/203.300e x 1/… kadar az bulunacakdır. Fakat bu hâl gayr-ı kâbildir. Mâddeten nâ-mütenâhî bir sûretde mâdde kâbil-i taksîm değildir. Atomun muʻayyen bir hudûdu vardır. Mâddeten ibtidâî mâddenin kudret ve kitle iʻtibârıyla bu kadar ileri gitmesi imkânı tasavvur edilemez. Başlangıçda mevcûd olan protozoer yavaş yavaş kısmî olarak ölmekdedir. Nakʻiyelerin lâ-yemût olması hakkında serd edilen iddiâ izâfî ve zâhirî olarak kalıyor. Fi'l-vâkiʻ ilk kolloid zerrelerden nesilden nesile kalan mâdde gitdikçe azala azala asgar-ı sagîre müncer olmak- dadır. Calkins, Woodruff'un tecrübelerinde arada sırada hayâtî kuvvetlerin azaldığı ve nakʻiyelerden bir buhrân tahaddüs etdiği göze çarpmakda idi. Mebhasü'l-hayât âlimlerinden Profesör Lyon nâm zât şu mütâlaʻayı serd eylemekdedir. Bu buhrânlar calhavî kolloid mâddelerinde hücerât tarafından ıtrâh dolayısıyla husûle gelmekdedir. Eski kolloidler ceddin bırakdığı mîrâs terk edile edile vücûd yenileşiyor ve eski aksâmı ıtrâh ederek yeni teşekkülât teessüs ediyor. Ceddin hasedi bu sûretle tarh olunmuş oluyor. Fakat bu ıtrâh ameliyesi parça parça kısmî olarak tahassul ediyor. Nakʻiyelerdeki lâ-yemûtiyet ilk nesillere göre nasıl bir nisbet arz ediyorsa insânların Adem aleyhisselâma göre aynı derecede lâ-yemût olmaları lâzım gelmekdedir. Doktor İsmail Kenan [369] Gençlik Salîb-i Ahmer Aʻzâsı 1 Kânûn-ı Evvel 1927 târîhinde Gençlik Salîb-i Ahmer aʻzâsının mikdârını gösterir cedveldir. Avrupa'nın 22 muhtelif memleketinde gençlik Salîb-i Ahmer teşkîlâtının mikdâr-ı aʻzâsı 2.745.633'dür. Bu erkâmın tarz-ı tevzîʻi ber-vech-i âtîdir: Arnavudluk Gençlik Salîb-i Ahmer aʻzâsı ● Almanya Gençlik Salîb-i Ahmer aʻzâsı 10.000 Avusturya Gençlik Salîb-i Ahmer aʻzâsı 140.000 Belçika Gençlik Salîb-i Ahmer aʻzâsı 41.000 Bulgar Gençlik Salîb-i Ahmer aʻzâsı 45.052 Danimarka Gençlik Salîb-i Ahmer aʻzâsı 416 İspanya Gençlik Salîb-i Ahmer aʻzâsı 10.102