HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4116 Çadır 848 aded Ekmek 1.493 kıyye Pirinç 289 kıyye Şeker 390 kıyye Sâde yağ 71 kıyye Sabun 1.024 kıyye [373] Tuz 100 kıyye Patates 1.918 kıyye Limon 11 kasa Çay 16 kıyye Un 250 çuval Fasulye 1.867 kıyye Battâniye 219 aded Don, gömlek, entâri 240 aded Çorap 100 çift Lüzûmu mikdâr muʻâlece ve levâzım-ı sıhhiye Bunlar kâmilen felâketzedelere tevzîʻ olunmuşdur. Torbalı ve havâlîsi felâketzedelerinin bi'l- umûm ihtiyâcâtını teʼmîn etmek, hastalarını tedâvî etdirmek ve cemʻiyetimizce îfâsı îcâb eden kâffe-i husûsâtı günü gününe îfâ eylemek üzere İzmir Emrâz-ı Zühreviyesi Hastahânesi Sertabîbi Cevdet Fuad Bey Torbalı'ya iʻzâm kılınmış ve maʻiyetine lüzûmu kadar tabîb ve sıhhiye meʼmûru terfîk edil- mişdir. Cevdet Fuad Bey vazʻiyetin ıslâhıyla uğraşmakda ve açıkda bulunan halk imkân dâiresinde çadırlarda iskân edilmekdedir. Muhtâc-ı iʻâşe olanlara un, ekmek ve erzâk tevzîʻ olunmakdadır. Bazı köylerde de mahfûz çardaklar yapdırılarak halkın çadır ihtiyâcı tahfîf olunmuşdur. Torbalı ve Tepeköyü'ndeki hânelerin yeniden inşâsına değin halkın istirâhatini teʼmînen tahtadan muntazam barakalar yaptırılması karârlaştırıldığından numûne olarak on baraka inşâsı için lüzûmu olan malze- me mübâyaʻa olunarak Torbalı'ya sevk edilmişdir. Tepeköyü'ndeki dispanserimiz de tehlikeli sûretde dûçâr-ı hasâr olduğundan doktorlarımız ça- dırlarda îfâ-yı vazîfe etmekdedir. Lüzûmu olan muʻâvenetler Hilâl-i Ahmerce muntazaman yapılmakdadır. Zelzele tahrîbâtının bilançosu henüz itmâm edilmemiş olmakla berâber 7 Nisan'a kadar neşro- lunan raporların hulâsasına nazaran İzmir'de 119 binâ kâmilen münhedim olmuş, 1.220 binâ az veya çok hasâra uğramışdır. Bunların içinde yüz elli yedi ticârethâne, mağaza, dükkân, on altı fabrika, dokuz mekteb ve dokuz banka ve müessesât-ı husûsiye, on aç câmiʻ ve mescid, üç hastahâne, dokuz hân, hammâm, otel, on yedi mebânî-i resmiye mevcûddur. Hükûmet, adliye, mâliye, sıhhiye dâire- leriyle posta ve telgraf başmüdüriyeti ve rüsûmât anbârları, müteʻaddid karakollar, mâliye tahakkuk şuʻbeleri harâb olan mebânî-i resmiye meyânındadır. Mekteblerden erkek lisesi, sanʻatlar mektebi, Karataş Muhtelit Orta Mektebi, çocuk yuvası, Karşıyaka Dilsiz ve Sağırlar Mektebi ve beş ilk mekteb hasârzededir. Hasâra uğrayan belli başlı fabrikalar Tuzakoğlu Un Fabrikası, İzmir Parmak İʻmâlâtı Fabrikası, Palamut Fabrikası, iki Prina Fabrikası, Şark Sanâyiʻ İplik Fabrikası, Makarna Fabrikası, Aydın Bira Fabrikası'dır. Emrâz-ı Sâriye, Eşrefpaşa, Gündoğdu Hastahâneleri kısmen hasârzededir. Heyʼet-i fenniyenin 8 Nisan'dan sonra verdiği ve vereceği raporlar bunun hâricindedir.