HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4141 Teʼdiyât Merkez-i umûmiye irsâlât 49.254 Muʻâvenât-ı muhtelife 32.162 Masârıf-ı idâre 7.543 Yekûn 88.959 İzmir Hilâl-i Ahmer Merkezi'nin 1927 Senesi Mesâʻî Raporu Muhterem Hanımlar, Beyler! Heyʼet-i merkeziyemiz 1927 senesinde geçen seneki raporumuzda îzâh olunan esâsât ve heyʼet-i umûmiyece ittihâz buyurulan mukarrerâta tevfîkan vezâif-i insâniyesini îfâ ederek 1928 senesine dâ- hil olmuşdur. 1927 senesi için kabûl olunan elli bin lira vâridât-ı âdiyeye mukâbil 51.762 lira vâridât istihsâ- line muvaffakiyet hâsıl olmuşdur. Hilâl-i Ahmer'in hâmî-i müfahhamı reîsicumhûr hazretlerinin emir ve irşâdlarına istinâden ge- çen sene aʻzâ kaydı husûsunda her tarafda büyük bir alâka uyanarak aʻzâ adedinin üç bini mütecâviz bir mikdâra iblâğına imkân hâsıl olmuş ve peyderpey tezyîdi için faʻâliyete devâm edilmekde bulun- muşdur. Hilâl-i Ahmer'in hikmet-i vücûdunu büyük bir alâka ile ihâta buyurmuş olan muhterem vâlîmiz Kâzım Paşa hazretlerinin gerek aʻzâ kaydı ve gerek cemʻiyete müteʻallik herhangi bir husûsun îfâsını teʼmînen pek büyük muʻâvenet ve muzâheretlerinin ibzâl olunduğunu bu vesîle ile de lisân-ı sitâyişle yâd eder ve heyʼet-i umûmiyeniz nâmına da hürmetlerimizi teʼyîd eyleriz. Geçen seneki raporumuzda arz etdiğimiz vechile heyʼet-i merkeziyemiz senelerden beri sebk eden tecârübüne istinâden elde edebileceği paraya göre bir büdce tanzîm etmiş idi. Fi'l-hakîka bu tahmînimizde aldanmadığımızı daha fazla vâridât elde edebilmekle teʼyîd etmiş ve maʻamâfîh nak- den elde etdiğimiz bu paradan mâʻadâ geçen seneki raporumuzda işâret etdiğimiz vechile cemʻiyete emlâk ve akâr teʼmîni sûretiyle de menâfiʻ-i azîme istihsâline muvaffakiyet hâsıl olmuşdur. Heyʼet-i muhteremelerinin maʻlûmudur ki, memleketimiz ahvâl-i sıhhiyesine çok nâfiʻ olabi- lecek bazı müessesât-ı sıhhiye ve fenniye vücûda getirilmek üzere heyʼet-i umûmiyenin tensîbiyle Kokaryalı'da sâhil-i bahrda bazı mebânî ve arsalar iştirâ edilmişdi. Fakat cemʻiyetin taht-ı tasarrufuna geçen bu emlâk cihet-i bahriyenin taht-ı işgâlinde olmasına mebnî müteʻaddid teşebbüsâta rağmen tahliyesine muvaffakiyet hâsıl olamamış ve bilakis [393] Bahriyece istimlâkine teşebbüs olunmuşdu. Bahriye Dâiresi'nin vukûʻ-ı mürâcaʻatı üzerine istimlâke müteʻallik muʻâmele-i kânûniye îfâ edilerek derdest-i intâcdır. Maʻa-hâzâ heyʼet-i merkeziyemiz bu vesîle ile cemʻiyete teʼmîn edeceği menâfiʻ-i mâddiyeden her ne kadar müsterîh ise de memlekete ve bilhâssa şehrimize çok nâfiʻ olacağı kanâʻa- tinde bulunduu müessesâtı vücûda getirememiş olmakdan müteessirdir. Cemʻiyete emlâk ve akâr teʼmîni husûsundaki teşebbüsâtımızdan bu sene istihsâline muvaffa-