HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4142 kiyet hâsıl olanlar meyânında el-yevm istîcâr sûretiyle taht-ı işgâlimizde bulunan birinci kordonda kâin anbârımız binâsı ile Karşıyaka'da Kemalpaşa Câddesi'ndeki dispanser binâsı ve dâire-i merkezi- ye olarak işgâl etmekde olduğumuz binâ vardır. Anbâr binâsı ile dispanser için vukûʻ bulan teşebbüsâtımız muvaffakiyetle netîcelenerek takdîr olunacak bedelle cemʻiyete temlîkine müsâʻade buyurularak keyfiyet Dâhiliye Vekâlet-i Celîlesi'n- den makâm-ı vilâyete bildirilmiş olduğundan muʻâmele-i kânûniyesi derdest-i ikmâldir. Merkezimiz binâsına gelince; emlâk-ı milliye-i kadîmeden olup ahîren Emlâk ve Eytâm Ban- kası'na devredilen ve şimdiye kadar pek cüzʼî bir bedel-i îcârla taht-ı işgâlimizde bulunan dâirenin bankaca satılığa çıkarılmış olmasına mebnî merkezimiz için şimdiye kadar verdiğimiz bedelle ve hattâ yirmi misli fazla bedel-i îcârla başka bir binâ bulunamayacağı nazar-ı dikkate alınarak mevkiʻi- nin şerefine ve âtiyen kıymetinin tezâyüd edeceği ihtimâline binâen altındaki dükkânlarla berâber cemʻiyet nâmına mübâyaʻası düşünülmüş ve günlerce bu mesʼele hakkında müzâkere ve tedkîkâtda bulundukdan sonra îcâbına tevessül edilmesi karârlaştırılmışdı. Cemʻiyetin bu tasavvuru bankaya bil- dirildikde çok derin bir alâka ve hüsn-i niyetle karşılanmış ve hattâ bir teşebbüs mâhiyetinden ileri ge- çemeyen bu mürâcaʻatımız üzerine satılığa çıkarılmış olan dükkânların müzâyede muʻâmelâtı tevkîf edilerek taht-ı işgâlimizde bulunan ânifü'l-arz binâ ile altındaki beş dükkânın kıymet-i mukadderesi olan 27.750 lira ile ve bedel-i mezkûr muksitan teʼdiye edilmek şartıyla ferâğına muvâfakat edilmiş ve şu sûretle Hilâl-i Ahmer'e karşı gösterdikleri alâka ve merbûtiyet şâyân-ı teşekkür bulunmuşdur. Muhterem Hanımlar, Beyler! Hilâl-i Ahmer'e müteʻallik herhangi bir iş için her nereye, her kime mürâcaʻat edilmiş olsa dâimâ hüsn-i kabûl görülmesi ve aʻzamî teshîlâta mazhar olunması, elli seneden beri memleketimiz- de şefkat, yardım hissiyâtını uyandırmasından ve fazîletli ellerin Hilâl-i Ahmer'e çok dürüst bir yol açmış olmalarından ileri geldiği şübhesizdir. Bugün Hilâl-i Ahmer denildi mi en büyüğümüzden en küçüğümüze kadar hepimizin bütün mevcûdiyetine bir melekü's-sıyâne gibi teʼsîr etmede ve nihâyet- siz hürmetler uyandırmakdadır. Nasıl teʼsîr etmesin ki, muhâribler onu dâimâ arkasında görmekde, alîl, muhtâc, fakîr olanlar onun şefkatine sığınmakda, herhangi bir âfet zuhûrunda felâketzedeler onun himâye ve yardımıyla hayâtlarını kurtarmakdadırlar. İşte efendiler toplanılan üçer, beşer ku- ruşla bütün bu insânî işleri muvaffakiyetle başaran Hilâl-i Ahmer her neye teşebbüs etmiş ise dâimâ muvaffak olmuşdur. Heyʼet-i merkeziyenizi teşkîl eden bizler, husûsât-ı şahsiyemize yapdığı teʼsîre rağmen cemʻi- yet umûr ve husûsâtıyla iştigâl etmekden âdetâ bir hazz-ı vicdânî duymakdayız. Bu sâik iledir ki milletimize aʻzamî muʻâvenet ve muzâhereti yapan cemʻiyete, aʻzamî menâfiʻi istihsâl için çalışmak- dan zevk [394] almakdayız. Birkaç sene evvel nakden elde etdiğimiz muvaffakiyetin son senelerde tamâmen istihsâline imkân hâsıl olamaması iktisâdî vazʻiyetden ileri gelmişdi. Arz etdiğimiz emlâkin muʻâmele-i kânûniyeleri ikmâl edildiğinde cemʻiyet İzmir'de yüz elli bin liradan fazla kıymetde emlâke tesâhub etmiş olacakdır. Heyʼet-i merkeziyemiz bu teşebbüsât ve icrââtının heyʼet-i muhteremelerince de mazhar-ı tasvîb olacağını şübhesiz addeder. Muhterem Hanımlar, Beyler! Merkezimizin geçen seneki faʻâliyeti vâridât teʼmînine maʻtûf olmakla berâber dispanserle- rimiz vâsıtasıyla fukarâ-yı halka lâzıme-i muʻâvenet îfâ edilmiş ve bazı şehîd âilelerinin vâsıta-i maʻîşeti olmak üzere dikiş makinesi tedârük ve iʻtâ ve bir takım bîçârelere elbise, çamaşır, ayakkabı, koltuk değnekleri gibi levâzım verilmek sûretiyle muʻâvenetimiz teşmîl edilmiş ve İkiçeşmelik'de,