HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 80 4153 dede bulunan haşerâtın itlâfıyla iktifâ edilmeyerek hastalığa mihrâk olan bulaşık mesâkindeki sinek- ler de imhâ olunmuşdur. Eyâletin bi'l-cümle posta şuʻbelerine, mekteblere ve etıbbâya afişler gönderilmiş ve ayrıca kale- me alınan bir propaganda risâlesinden 20.000 nüsha halka tevzîʻ olunmuşdur. Malarya mücâdelesini gösteren bir film 1926 senesinin son dokuz ayı zarfında muhtelif şehirlerde on beş defa vazʻ-ı sahne edilmişdir. _______________ Macar Mürebbîler İçin Gençlik Salîb-i Ahmeri Konferansı Macar Gençlik Salîb-i Ahmeri'nin tertîb etdiği ilk mürebbîler kongresi 1927 senesi Kânûn-ı Evvel'inin dördünden altıncı gününe kadar Budapeşte'de ictimâʻ etmişdir. Yedi senelik bir tecrübe ve tatbîkât devresinden sonra terbiye-i etfâle müteʻallik mesâil-i muh- telife hakkında teʻâtî-i fikir ve nazar etmek ve Macar Salîb-i Ahmeri tarafından istiʻmâl olunan usûl- leri bir dereceye kadar muttarid ve hem-âheng kılmak üzere 526 gençlik grup mürebbîlerinin ictimâʻ etmesi tensîb edilmiş idi. Kongrenin programı ber-vech-i âtî mevâddı ihtivâ etmekdedir: 1-Gençlik Salîb-i Ahmeri'nin târîhi, menşeʼi, mesâʻî-i hâzırası, projeleri 2-Taʻlîm ve terbiyede Gençlik Salîb-i Ahmeri 3-Gençlik Salîb-i Ahmeri'nin faʻâliyeti: a) Hıfzıssıhha sâhasında fâidesi b) İktisâd-ı millî nokta-i nazarından ehemmiyeti (el işleri tedrîsi) c) Gençlik Salîb-i Ahmeri'nin faʻâliyet-i ictimâʻiyesi d) Mektebler arasındaki mükâtebât ve muhâberâtın kıymet ve ehemmiyeti e) Gençlik Salîb-i Ahmeri'nin teşkîlât-ı hâzıra ve müstakbelesi f) Filmler Kongrede murahhaslardan mâʻadâ Macar ana Salîb-i Ahmeri ile Gençlik Salîb-i Ahmeri mü- dîrânı, Maʻârif, Muʻâvenet-i İctimâʻiye, Ticâret Nezâretleri ve Budapeşte Belediyesi, Terbiye-i Bede- niye Komitesi [405] murahhaslarıyla Maʻârif müfettişleri, birçok ricâl-i siyâsiye ve heyʼet-i tedrîsiye aʻzâsı hâzır bulunmuşlardır. _______________ Norveç Hastabakıcılar İçin İctimâʻî Hıfzıssıhha Kurları Norveç Salîb-i Ahmeri ile Norveç Kadınlar Sıhhiye Cemʻiyeti ve Millî Verem Mücâdele Bir- liği'ni temsîl eden bir komite Oslo'da hastabakıcılar için bir ictimâʻî hıfzıssıhha kuru teʼsîs etmişdir. Bu kur meccânî olup 6 Şubat'dan iʻtibâren iki ay devâm edecekdir. Tatbîkât görmüş şehâdetnâ- meli hastabakıcılardan intihâb edilen tâlibâtın adedi on ikiden fazla değildir. _______________