HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4182 Yumurtalar 8 ilâ 10 derece-i harâretde açılamaz. 13 gün 10 derece-i harârete terk edildikden sonra 26 ile 30 arasında temevvüc eden harârete maʻrûz bulundurulan yumurtalar sekiz günde açıl- makdadır. Muttarid bir tarzda: Santigrad Günde 25 Derece-i harârete arz olunan yumurtalar 16 25 ile 28 Derece-i harârete arz olunan yumurtalar 8-10 25 ile 30 Derece-i harârete arz olunan yumurtalar 8-10 28 yalnız Derece-i harârete arz olunan yumurtalar 7 30 yâbis Derece-i harârete arz olunan yumurtalar 7-10 Elbise cebinde 8 günde yâbis 32 derece-i harâretde, 7-8 günde vücûd üzerinde 35 derece-i harâretde, 6 günde kolda, 7 günde bacakda çorap içinde, 6-8 günde 50-45 derece-i harâretde olurlar. Hulâsa, 30'dan aʻzamî 35 derece-i harârete kadar yumurtalar 6 ile 8 gün arasında açılmakdadır. Münâvebeten mütefâvit bir derece-i harârete arz olunan yumurtaların açılması teehhur eder. Meselâ gündüzleri vücûdun ve geceleri de odanın derece-i harâretinde tutulan yumurtaların açılması Warburion'un yapdığı tecrübelerde dört haftadan fazla teehhur etmişdir. Nuttal, 24 sâʻat 30 dereceye ve 24 sâʻatde 10 derece-i harârete vazʻ etdiği yumurtalardan 35 gün sonra yalnız dört yumurtanın inkişâfını görmüşdür. Nuttal, 12 sâʻat 37 ve 12 sâʻat sekiz derece-i harâ- ret üzerine yapdığı diğer bir tecrübede on altı gün sonra yalnız dört yumurtanın inkişâfını görmüşdür. Rutûbetin yapdığı teʼsîr hakkında bir fikir peydâ etmek isteyen Bako'nun? yüksek rutûbetde 24,5 derece-i harâretde bulundurduğu yumurtaların pek azı ancak 23 gün sonra açılabilmişdir. Bu tücrebelerden hıfzıssıhha nokta-i nazarından pek çok istifâde edilmişdir. [426] Yukarıda arz etdiğimiz esbâba binâen akşâmları eve avdet etdiğimiz zamân elbise değiş- tirmek veya gecelik istiʻmâl etmekle tesâdüfen üzerimize geçecek bitlerden kurtulmuş oluyoruz. *** Bit kâhil bir hâle gelmek için yekdiğerini müteʻâkib üç istihâle devresi geçirir. Şimdiye kadar yapılan tecrübelerden anlaşıldığına göre yumurtadan kâhil bir bit zuhûrundan sonra bu bitin tenâsül edebilecek bir hâle gelmesi için tâm 16 gün mürûr etmesi lâzımdır. Lomer?, bu müddeti 18 gün olarak tesbît ediyor. Loven Hug'un? 1807'de tabʻ olunan âsârında bir bitden sekiz hafta zarfında 5.000 zürriyet hâsıl olduğu mezkûrdur. Raillet, 1895'de bir dişinin on iki hafta zarfında 125.000 nesil meydâna getirdiğini haber veri- yor. Héraud'ya göre bi'l-cümle şerâit müsâʻid olduğu takdîrde bir bitin ikinci nesli iki ay için 25.000 ve üçüncü nesli üç ay sonra 125.000 yavru hâsıl etmiş oluyor.