HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4186 4-Nizâmnâme-i esâsî mûcebince kurʻa ile merkez-i umûmîden beş aʻzâ ihrâcı ve bunların ve diğer müstaʻfî addolunanların yerlerine diğerlerinin intihâbı 5-Tedkîk komisyonu aʻzâsının intihâbı 6-Teklîfât: a) Nizâmnâme-i esâsî taʻdîlâtı b) Meʼmûrîn Nizâmnâmesi c) Fâhir aʻzâlıklar [431] Hilâl-i Ahmer Meclis-i Umûmîsi Birinci İnʻikâd 21 Nisan 1928 Cumartesi Küşâd Sâʻati 11 Merkez-i Umûmî Reîsi, Sıhhiye ve Muʻâvenet-i İctimâʻiye Vekîli Doktor Refik Bey: "-Efen- dim, nizâmnâme-i esâsînin 35'inci mâddesi 'meclis-i umûmîyi reîslerini intihâb edinceye kadar mer- kez-i umûmî rüesâsından biri idâre eder. Nisâb-ı ictimâʻın mevcûdiyeti tahakkuk edince reʼy-i hafî ile meclis-i umûmîye bir reîs, iki reîs-i sânî ve iki kâtib intihâb olunur. İntihâbı müteʻâkib celseyi müntehab rüesâdan biri küşâd ve idâre eder' demekdedir. Müsâʻade buyurursanız esâmîyi okuyarak yoklama yapacağım". (Yoklama yapıldı.) Safvef Bey (Erzincan): "-Efendim, müsâʻade buyurursanız heyʼet-i celîleye maʻrûzâtım vardır. Meclis-i umûmî riyâsetine Büyük Millet Meclisi Reîsi Kâzım Paşa hazretleriyle reîs-i sânîliklere Çorum Mebʻûsu İsmet ve İstanbul Murahhası Doktor Ali Paşa'yı arz ve teklîf ediyorum". (Kabûl ve muvâfık sesleri. Reʼy-i işâriyle sesleri) Doktor Refik Bey (Merkez-i Umûmî Reîsi): "-Riyâsete Kâzım Paşa hazretlerinin intihâbını kabûl edenler lütfen el kaldırsın. (Müttefikan sesleri) Kabûl edilmişdir, efendim. Buyurun paşa haz- retleri". (Makâm-ı riyâsete Kâzım Paşa hazretleri geçdi.) Reîs Kâzım Paşa hazretleri (Balıkesir): "-Efendim, meclis-i umûmî inʻikâd etmişdir. Beni riyâ- sete intihâb etdiğinizden dolayı teşekkür ederim. Tevdîʻ buyurduğunuz vazîfeyi îfâ edeceğime kâniʻ bulunuyorum ve işe başlıyorum. Evvelâ reîs-i sânîler ve kâtibler intihâb edilecekdir. Bu husûsda bir takrîr vardır, okunacakdır". "-Riyâset-i Celîle'ye, Reîs-i sânîliklere Çorum Mebʻûsu İsmet Bey'le İstanbul Murahhası Doktor Ali Paşa'nın ve kâtibliğe Kocaeli Mebʻûsu Salahaddin ve İzmir Mebʻûsu Enver Beylerin intihâblarını teklîf eylerim. Erzincan Mebʻûsu Safvet "