HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4187 Reîs: "-Reʼy-i işârî ile evvelâ reîs-i sânîleri, ondan sonra da kâtibleri reʼyinize arz edeceğim. Kabûl buyurulursa vazîfeye başlarlar. (Muvâfık sesleri) Reîs-i sânîliklere Çorum Mebʻûsu İsmet Bey'le İstanbul Murahhası Doktor Ali Paşa'nın in- tihâbını kabûl buyurulanlar lütfen el kaldırsın. Kabûl edilmişdir, efendim. Kâtibliklere Kocaeli Mebʻûsu Salahaddin Bey'le İzmir Mebʻûsu Enver Bey'in intihâbını kabûl edenler lütfen el kaldırsın. Kabûl edilmişdir, efendim. Efendim, rûznâmemizin birinci mâddesindeki reîs ve reîs-i sânîlerle kâtiblerin intihâbı yapıl- mışdır. İkinci mâddesinde 1927 senesi merkez-i umûmî icrâât ve meclis-i umûmî tedkîk komisyonu raporlarının tedkîki ve kabûlü hâlinde merkez-i umûmînin ibrâsı vardır. Bu raporlar tabʻ ve aʻzâ- ya tevzîʻ olunmuşdur. Tedkîk buyurursunuz ve raporlar hakkındaki mütâlaʻanızı yaparsınız. [432] Müzâkere edilir, ondan sonra kanâʻat hâsıl olur. Fakat bugün bunların müzâkeresine imkân yokdur. Bir kere tedkîk etmek lâzımdır. Rûznâmenin üçüncü mâddesi 1928-1929 büdcesinin tasdîki hakkındadır. Bu da aʻzâya tevzîʻ olunmuşdur. Bunları da tedkîk buyurarak îcâb eden teklîfâtı bundan sonraki celsede birer birer verir- siniz. Rûznâmenin 4'üncü mâddesi nizâmnâme-i esâsî mûcebince kurʻa ile merkez-i umûmîden beş aʻzânın ihrâcı ve bunların ve diğer müstaʻfî addolunanların yerlerine diğerlerinin intihâbı hakkında- dır. Bu da diğer raporlardan sonra yapılacak bir muʻâmeledir. Beşinci mâddesi, tedkîk komisyonu aʻzâsının intihâbıdır. Sonra bir encümen daha intihâb ede- ceğiz. Nizâmnâme-i esâsî taʻdîlâtı encümeni yapacağız. Bir de Meʼmûrîn Nizâmnâmesi var. Şimdi bunları intihâb etmek iktizâ eder. Meʼmûrîn Nizâmnâmesi 'ni arzu ederseniz nizâmnâme-i esâsî taʻ- dîlâtı encümeni veyâhûd başka bir encümen tedkîk etsin. Rûznâmede mevcûd diğer bir mâdde de fâhir aʻzâlıklar hakkındadır. Şimdi ilk iş olarak bir intihâbımız daha var. Bu, nizâmnâmenin taʻdîli encümeni intihâbıdır. Bu encümeni intihâb edelim ki, vazîfesine başlayabilsin. Münâsib görürürseniz Meʼmûrîn Nizâmnâmesi zâten doğrudan doğruya nizâmnâme-i esâsîye merbûtdur. Ayrı bir encümen olursa belki teʻâruz teşkîl eden karârlar yapılır. Onun için aynı encümen olması daha muvâfıkdır. Bu encümene intihâb olunacak aʻzâ hakkında bir teklîf var: Şemseddin Bey (Sivas), Doktor Burhaneddin Bey (Kayseri), Rasim Bey (Sivas)". Edib Servet Bey (İstanbul): "-Şemseddin Bey burada yok, efendim. Bendeniz onun yerine Nec- meddin Sadık Bey'i teklîf ediyorum". (Muvâfık sesleri) Reîs: "-Nizâmnâme encümenine Doktor Burhaneddin Bey, Rasim Bey, Necmeddin Sadık Bey- lerin intihâbını kabûl edenler lütfen el kaldırsınlar. Kabûl edilmişdir, efendim". "-Riyâset-i Celîle'ye, Cemʻiyetimizin senelik meclis-i umûmîsinin ictimâʻı münâsebetiyle heyʼetimizin hissiyât-ı taʻzîmkârânesini Reîsicumhûr Gâzî hazretlerine arz eylemek üzere bir heyʼetin intihâbını ve bu heyʼetin başvekîl ve Büyük Millet Meclisi reîsi ve erkân-ı harbiye-i umûmiye reîsi paşalar hazerâtına da hissiyât-ı hürmetkârânemizi arz eylemesini teklîf eyleriz. İstanbul İhsan İzmir Hüsnü İstanbul Ali "