HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4188 Reîs: "-Bu takrîri kabûl edenler el kaldırsın. Kabûl edilmişdir. O hâlde bu takrîrde kabûl buyu- rulan heyʼet aʻzâları intihâb edilmek lâzım gelir". (Hâricden gelenlerden olsun sesleri) Hakkı Şinasi Paşa (İstanbul): "-Bendeniz hâricden gelenlerden olmasını teklîf ediyorum". Reîs: "-Yani Ankara'da bulunmayıp ictimâʻ münâsebetiyle buraya gelenlerden olması arzu edi- liyor değil mi?" Hakkı Şinasi Paşa (İstanbul): "-Evet. Yani Ankara'da bulunanlar değil, hâric vilâyetlerden ge- lenlerden olmasını teklîf ediyorum". Reîs: "-İctimâʻ-ı umûmî münâsebetiyle hâricden gelen murahhaslardan olması teklîf ediliyor. Bu teklîfi kabûl edenler el kaldırsın. Kabûl edilmişdir. Dâimâ Ankara'da mukim olmayan murahhaslar lütfen ayağa kalkarlarsa belki hepsi gitmek imkânı olur. [433] Gidecek heyʼetin kaç kişi olması teklîf ediliyor?" Süleyman Sırrı Bey (Yozgad): "-Beş kişi olsun". (Azdır, on kişi olsun sesleri) Reîs: "-Efendim, on kişi olmasını teklîf ediyorlar. Hâricden gelen iki zât dâhil olmak üzere daha sekiz kişi intihâb etmek lâzımdır". Receb Zühdü Bey (Sinop): "-Hâricden gelen iki kişiden fazla vardır. Anlaşılmalıdır". Ali Nazmi Bey (Muğla): "-Reîs paşa hazretleri, bu hakkı dîvân-ı riyâsete verelim, buyursunlar". Reîs: "-Hâricden gelenler tercîh edilmek şartıyla on zâtın dîvânca intihâbı kabûl edenler el kal- dırsın. Kabûl edilmişdir. Efendim, rûznâmemizde aʻzâ-yı kirâmdan gerek raporlara âid ve gerek rapora âid olmak üzere umûmî meclise vukûʻ bulan ve bulacak olan teklîfât bugün müzâkere edilemeyecekdir. Maʻamâfîh teklîfler bugünden iʻtibâren yapılabilir. Bundan sonraki celselerde nazar-ı dikkate alınır ve mevkiʻ-i müzâkereye vazʻ ederiz. O hâlde yarın sâʻat onda ictimâʻ etmek üzere celseyi taʻtîl ediyorum". Kapanma sâʻati: 11,20 Hilâl-i Ahmer Meclis-i Umûmîsi İkinci İnʻikâd Birinci Celse Açılma Sâʻati Sâʻat 10, Dakîka 10 Reîs Kâzım Paşa hazretleri – Kâtibler: Salahaddin Bey (Kocaeli), Enver Bey (İzmir) Reîs: "-Celseyi açıyorum, efendim. Efendim, rûznâmemizde [1]927 senesi meclis-i umûmî ic- râât raporlarının tedkîk ve kabûlü ve meclis-i umûmînin ibrâsı hakkındaki mâdde vardır. Merkez-i umûmî raporlarını tedkîk buyurdunuz. Bu tedkîk buyurduğunuz raporlar hakkında söz isteyen var mı? (Yok sesleri) O hâlde raporların tasvîb edilip edilmediğini, tasvîb edildiği takdîrde merkez-i umûmînin ibrâsını reʼyinize arz edeceğim. Bir mütâlaʻa var mı efendim? Refik Bey bir mütâlaʻa var mı?"