HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4189 Sıhhiye Vekîli Refik Bey: "-Hayır, efendim". Reîs: "-Efendim, tedkîk buyurmuş olduğunuz raporların tasdîki ile merkez-i umûmînin ibrâsını kabûl edenler el kaldırsın. Kabûl etmeyenler el kaldırsın. Müttefikan kabûl edilmişdir, efendim. Şimdi 1928-1929 büdcesi: Efendim, büdce müzâkeresine başlamazdan evvel birkaç takrîr var- dır. Bunlar okunsun da âid oldukları encümene verelim. Gençlik Hilâl-i Ahmer teşkîlâtı hakkındaki takrîr okunacakdır". "-Kongre Riyâset-i Celîlesi'ne, Harb ve sulhda düşenlere imdâdı şiʻâr edinen cemʻiyetimizin nigehbânı bulunduğu halkın cis- men olduğu kadar rûhen de tekâmülünü teʼmîne savaşmak kuvve-i umûmiyemize iki yüzlü bir hizmet demek olacağından hayırkârân bağçesine bir fidanlık zammını unutmamaklığımız ve her memleketde olduğu gibi biz de Gençlik Hilâl-i Ahmeri teşkîlâtını ihmâl etmemekliğimiz selâmet-i âtiye nokta-i nazarınca pek ziyâde hâiz-i ehemmiyetdir. Çünkü terbiye-i cismâniyesi teʼmîn edilen bir çocuğun beslendikçe verziş-i dimâğîye salâhiyeti artar, saʻyini artırdıkça insânî olan işlemeden [434] zevk almaya yani rûhen yükselmeğe başladığı gö- rülür ve bu husûsu gençliğinde meyl-i maʻâlî gösteren ferdin ihtiyârlığında milletine bir kitâb-ı kemâl olacağı da teʼmîn iʻtibârıyla menfaʻati pek şümûllüdür. Nitekim Kanada'nın Salîb-i Ahmer'i 1914'de ordu levâzım-ı sıhhiyesi için çocuklardan istifâde etdiği gibi 1917'de Amerika'da bu vazîfe-i insâni- yenin îfâsına yirmi milyon çocuk kaydedildi. İşte bu sûretle izci teşkîlâtının Salîb-i Ahmer aʻzâlığıyla mezcinden gençler arasında dostluk temelleri atıldı. Tesânüd teʼmîn edildi, benî nevʻine muhabbet ve merhamet hisleri uyandırılmışdı. Her ferd birbirine muzâheret mecbûriyetine kandı. Cismânî ve rûhî zindelikler teʼmîninin yolu bulundu. İlk imdâdlar nasıl yapılacağı, mâ-hasal terbiyevî, sıhhî kavânî- nin tarz-ı taʻallümü gösterildi. Küçük çocuklara yapılacak muʻâmele genç kızlara, çiçek ve sebze yetiştirmek dersleri genç çocuklara öğretildi. Bugün Avusturya'nın 120.000, Amerika'nın 5.569.552, İtalya'nın 1.000.000, Japonya'nın 340.000, Lehistan'ın 120.000, Çekoslovakların 290.000, Roman- ya'nın 50.000, Macaristan'ın 82.000, Yugoslavya'nın 120.000 Salîb-i Ahmer gençlik aʻzâsı vardır ki, bize istiğnâ edemeyeceğimiz bu teşkîlât-ı hayriyeye ibtidâ zamânın hulûlünü ihtâr ediyoruz. İstanbul Nureddin Ali Kayseri Mebʻûsu Doktor Burhaneddin İstanbul Hilâl-i Ahmer Reîsi Ali İstanbul Murahhası Ziya İstanbul Murahhası Müderris Doktor Refik " Reîs: "-Söz isteyen var mı?" Sıhhiye Vekîli Refik Bey: "-Paşa hazretleri! Lahey'de Teşrîn-i Evvel'de 13'üncü Beynelmilel Salîb-i Ahmer ve Hilâl-i Ahmerlerin kongresi toplanacakdır. Rûznâmeleri meyânına dâhildir. Salîb-i Ahmer ve Hilâl-i Ahmerlere taʻalluk edecek katʻî karâr burada verilecekdir. Binâenaleyh bendeniz bu takrîrin merkez-i umûmîye havâlesini teklîf ederim". (Münâsib sesleri) Reîs: "-Bu takrîrin merkez-i umûmîye tevdîʻini kabûl buyuranlar el kaldırsın. Etmeyenler el kaldırsın. Kabûl edilmişdir". "-Hilâl-i Ahmer Kongresi Riyâset-i Aliyyesi'ne,