HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4190 Gümrüklerdeki muʻâmelâta tüccârın gümrükden alacağı beyânnâme varakasıyla başlanıldığı ve yevmiye yalnız İstanbul Gümrüğü'nde dört bin aded sarf edilen bu beyânnâmelerin emr-i ihzârı güm- rüğe on bin liradan fazlaya mâl olduğu hâlde bunlardan gümrüğün hiçbir istifâdesi olmayıp belki kıy- metsiz evrâk nevʻinden şunun bunun yedinde kaldığı gibi bu kâğıdların sarf u ihzârı Hilâl-i Ahmer'e terk edilerek beheri beşer kuruş kıymetle ashâb-ı mesâlihe satılsa cemʻiyet-i hayriyemizce mühim bir menbaʻ-ı vâridât olacağının anlaşılmasına mebnî gümrüğün kurtulacağı masrafdan şu vâridâtın teʼmînine Boğaziçi vesâir yerlerdeki muhâfaza meʼmûrlarının külle yevm vermekde bulundukları tezkerelere beşer kuruşluk Hilâl-i Ahmer pulu ilsâkı husûsunun Rüsûmât Müdüriyet-i Umûmiyesince taʻmîmine delâlet buyurulması maʻrazında işbu takrîr takdîm kılındı. 21 Nisan 1928 Kayseri Mebʻûsu Doktor Burhaneddin İstanbul Hilâl-i Ahmer Reîsi Ali İstanbul Murahhası Müderris Doktor Refik İstanbul Murahhası Ziya İstanbul Murahhası Ziya " [435] Reîs: "-Bu takrîr hakkında bir mütâlaʻa var mı efendim?" Hakkı Şinasi Paşa: "-Paşam, bendeniz bunun da merkez-i umûmîye havâlesini teklîf ediyorum. Kânûn mu lâzım gelecek, nasıl olacak? Onun için merkez-i umûmîye havâle olunursa daha muvâfık olur". (Münâsib sesleri) Reîs: "-Efendim, îcâbı teemmül edilmek üzere bu takrîrin de merkez-i umûmîye tevdîʻi teklîf olunuyor. Bu sûretle reʼye koyuyorum. Kabûl edenler ellerini kaldırsın. Kabûl etmeyenler ellerini kaldırsın. Kabûl edilmişdir. Yine Ali Paşa ve rüfekâsının diğer bir takrîri vardır. Okunacakdır". "-Kongre Riyâset-i Celîlesi'ne, 1-Hilâl-i Ahmer menfaʻatine müretteb tiyatro ve müsâmerelerde yüzde kırka kadar çıkan rüsû- mun afvı 2-Bir sene içinde bir bahâr haftası tesbît edilerek her köşede aʻzâ kaydı, iʻâne derci, Hilâl-i Ah- mer'in mâhiyetini muʻarref konferanslar tertîbi, hattâ çiçek tevzîʻâtının da bu haftaya hasrı sûretiyle bir Hilâl-i Ahmer haftası teʼsîsi 3-El-yevm 11.100 liralık bir büdce ile çalışan ve şehir eytâmını taʻlîm ve iʻâşeye savaşan İs- tanbul Hilâl-i Ahmeri Sanʻatevi'nin maʻmûlât-ı nefîsesine teʼmîn-i revâc için bin liralık bir avans iʻtâsıyla takviyesi ve evvelce merkez-i umûmîmizce mazhar-ı takdîr olan sancakların münhasıran Sanʻatevince iʻmâline müsâʻade buyurulması İstanbul Murahhası Said İstanbul Murahhası Ali İstanbul Murahhası Nureddin Ali İstanbul Murahhası Ziyaeddin İstanbul Murahhası, Kayseri Mebʻûsu Burhaneddin İstanbul Murahhası Müderris Doktor Refik "