HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4191 Reîs: "-Bunun hakkında bir mütâlaʻa var mı?" Doktor Hakkı Şinasi Paşa: "-Bu da kânûnu müstelzimdir, vergisi afv edilecekdir. Şudur, budur. Bunun da merkez-i umûmîye havâlesini teklîf ediyorum. Çünkü bazı mevâddı kânûn tanzîmini istil- zâm edecekdir. Muʻâmelât-ı resmiyesi vardır". Reîs: "-Hangisi?" Hakkı Şinasi Paşa: "-Birinci mâddesi". Reîs: "-Diğer mâddeler hakkında bir mütâlaʻa var mı?" Münir Bey: "-Sancaklar için de bir mâdde-i kânûniye yapılacak". Reîs: "-Başka söz isteyen yok mu? Efendim, takrîrin merkez-i umûmîye tedvîʻini kabûl buyu- ranlar el kaldırsın. Kabûl edilmişdir. Meşrûbât-ı küûliye şişeleri üzerine pul ilsâkı için Kılıçoğlu Hakkı Bey'in takrîri var". "-Riyâset-i Celîle'ye, Hilâl-i Ahmer gibi mebrûk ve mukaddes bir teʼsîsin ve redâeti artırmak maksadıyla meşrûbât-ı küûliye şişeleri üzerine ilsâk için kuruşda bir para hesâbıyla pullar ihdâs edilerek bâyiʻlere tevzîʻinin taht-ı karâra alınmasını teklîf ederim, efendim. 20.4.[19]28 Murahhas Kocaeli Mebʻûsu Kılıçoğlu Hakkı " "-Bu takrîr hakkında bir mütâlaʻa var mı? Münâsib görürseniz merkez-i umûmîye tevdîʻ ede- lim. (Münâsib sesleri) Kabûl buyuranlar el kaldırsın. Kabûl etmeyenler el kaldırsın. Kabûl edilmişdir. [436] Urfa Mebʻûsu Doktor Refet Bey ve rüfekâsının bir takrîrleri var". "-Riyâset-i Celîle'ye, Muhterem Hilâl-i Ahmer'imizin bu kere İzmir hareketzedegânı hakkında masrûf olan himemât-ı âtıfetkârîsine karşı merkez-i umûmîye teşekkürâtımızın iblâğını istirhâm eyleriz. Maraş Abdülkadir İzmir İhsan Manisa Doktor Midhat Urfa Doktor Refet İzmir Ahmed Münir İzmir Enver " Reîs: "-Efendim, takrîri reʼyinize arz edeceğim. Kabûl edildiği takdîrde kongre nâmına dîvân-ı riyâsetden merkez-i umûmîye tezkere yazarız. Bu şekilde kabûl buyuranlar el kaldırsın. Kabûl etmeyenler el kaldırsın. Kabûl edilmişdir". Sıhhiye Vekîli Doktor Refik Bey: "-Reîs paşa hazretleri, söz istiyorum". Reîs: "-Buyurun".