HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4192 Sıhhiye Vekîli Doktor Refik Bey: "-Efendim, arkadâşlarımızın hakkımızda gösterdikleri tevec- cühlere teşekkür ederiz. Bu bizim için bir vazîfe idi. Yapıyoruz ve bittabʻ yapacağız, efendim. Yalnız bu zelzele hakkında arz-ı maʻlûmât etmekliğime müsâʻadenizi ricâ edeceğim. Hareket-i arz oldukdan sonra İzmir merkezimizin müddehar malzemesinden ve parasından istifâde etdiğimiz gibi ilk anda ve bilâhare bütün memleketde gösterilen bütün alâka ve şefkat netîcesi verilen iʻânâtın kısm-ı aʻzamı orada mahallinde temerküz etmiş ve bilâhare bulunduğu çerçeve içerisine alınarak herhangi bir şekil ve sûretde ziyâʻa uğramaması için ittihâz-ı tedbîr edilmiş ve hükûmetçe de büyük bir alâka gösterilerek bu husûsda bütün iʻânât ve teberruʻâtın Hilâl-i Ahmer Merkez-i Umûmîsi vâsı- tasıyla olması taʻmîm edilmiş ve bugüne kadar yüz bin liraya kadar teberruʻât vâkiʻ olmuşdur. Bunun kısm-ı aʻzamı mahallindedir. Bir kısmı da merkez-i umûmîye gelmişdir. Bundan başka mahallinin gösterdiği ihtiyâc üzerine hemen yüz bin liralığa yakın 1.500 kadar çadır mahalline gönderilmiş ve bundan başka mahallî Hilâl-i Ahmer'imiz vâsıtasıyla açıkda kalan halkın iʻâşesi ve bunların tedâvîsi için îcâb eden tedâbîr ittihâz olunmuşdur ve dâimâ taʻkîb edilmekdedir. Daha îcâb ederse merkez-i umûmî aʻzâsından birkaç arkadâşın oraya, mahalline giderek ve orada bulunan merkezimizle müş- tereken tedkîk eylemesi ve mesâʻîye devâm eylemesi zannediyorum muvâfık olacakdır. Bu esnâda Amerika Salîb-i Ahmeri tarafından da cemʻiyetimize mürâcaʻat edilmiş, ne gibi bir muʻâvenet yapıla- cağı sorulmuşdu. Kendilerine teşekkür etmekle berâber bize çadır ihtiyâcı fazla olduğu için bu husûs- da muʻâvenet etmelerini ricâ etdik. Kendileri bize beş bin dolar gönderdiler. Bu sûretle kendilerine teşekkür etdik. Ahîren komşumuz Bulgaristan'da vâkiʻ olan hareket-i arzdan dolayı biz kendi Salîb-i Ahmer- lerine bir telgraf çekmek sûretiyle kendilerinin bir muʻâvenete ihtiyâcı olup olmadığını sorduk. Daha cevâb almadık. Maʻrûzâtım budur, efendim". Reîs: "-Efendim, büdce müzâkeresine başlamadan evvel encümenin, nizâmnâmenin taʻdîli hak- kında ve Meʼmûrîn Nizâmnâmesi hakkında yapmış olduğu bir mazbata vardır. Bazı taʻdîlât yapılırsa belki büdceye teʼsîri olur. Onun için okunması îcâb eder zannederim". (Doğru sesleri) [437] "-Hilâl-i Ahmer Kongresi Riyâset-i Celîlesi'ne, Heyʼet-i umûmiye karârıyla tedkîki tarafımıza havâle edilen nizâmnâme-i esâsî taʻdîlâtı ve Meʼmûrîn Nizâmnâmesi tedkîk ve mütâlaʻa edildi. Nizâmnâme-i esâsî taʻdîlâtı esbâb-ı mûcibe lâyi- hasında zikir ve tafsîl kılınan şerâit ve zarûretlere nazaran münâsib görülmüşdür. Diğer tarafdan Meʼmûrîn Nizâmnâmesi , Hilâl-i Ahmer meʼmûrlarının mesâʻîlerini tanzîm ve terfih şerâitini tesbît etmek iʻtibârıyla esâslı mesâʻî ve tedkîkâtın mahsûlü görülmüş ve meʼmûrları vazîfelerine rabt etmek husûsunda müessir olacak mevâddı ihtivâ eylediği kanâʻati hâsıl olmuşdur. Binâenaleyh gerek nizâmnâme-i esâsî taʻdîlâtının ve gerek Meʼmûrîn Nizâmnâmesi 'nin kabûlünü heyʼet-i umûmiyeden ricâ eyleriz, efendim. Fî 21 Nisan [1]928 Kayseri Mebʻûsu Doktor Burhaneddin Sivas Mebʻûsu Rasim Sivas Mebʻûsu Necmeddin " Reîs: "-Efendim, encümen ihzâr edilmiş olan Meʼmûrîn Nizâmnâmesi 'yle nizâmnâmede yapıl- mış olan taʻdîlâtı mutazammın lâyihayı aynen kabûl ediyor. Bu husûsât hakkında gerek nizâmnâme