HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4193 taʻdîli ve gerekse Meʼmûrîn Nizâmnâmesi hakkında söz isteyen varsa buyursunlar. (Muvâfık sesleri) Söz isteyen yokdur. O hâlde her ikisini de ihtivâ etmek üzere encümenin teklîfini reʼye koyuyorum. Kabûl edenler el kaldırsın. Kabûl edilmişdir. Büdce müzâkeresine geçiyoruz. Büdcenin heyʼet-i umûmiyesi hakkında söz isteyen var mı? Heyʼet-i umûmiyesi hakkında söz isteyen yokdur. O hâlde fasıllara geçilmesini reʼye koyuyorum. Kabûl edenler el kaldırsın. Fasıllara geçilmesi kabûl edilmişdir. Evvelâ vâridât büdcesini müzâkere edelim ki, vâridâta göre masrafı yapalım. (Muvâfık sesleri) Vâridât büdcesinin müzâkeresine başlıyoruz". Hilâl-i Ahmer Cemʻiyeti'nin 1 Temmuz [1]928 - 30 Haziran [1]929 senesi büdcesinin vâridât kısmı: Fasıl 1, iʻânât 100.000 lira Reîs: "-Mütâlaʻa var mı? Kabûl edilmişdir". Fasıl 2, âidât 100.000 lira Reîs: "-Mütâlaʻa var mı? Kabûl edilmişdir". Fasıl 3, satış hâsılâtı 20.000 lira Reîs: "-Mütâlaʻa var mı? Kabûl edilmişdir". Fasıl 4, fâiz 80.000 lira Reîs: "-Mütâlaʻa var mı? Kabûl edilmişdir". Fasıl 5, müsâmere hâsılâtı 50.000 lira Reîs: "-Mütâlaʻa var mı? Kabûl edilmişdir". Fasıl 6, şefkat pulları, hâsılâtı 200.000 lira Reîs: "-Mütâlaʻa var mı? Kabûl edilmişdir". Fasıl 7, kurbân derileri ve zekât hâsılâtı 125.000 lira Reîs: "-Mütâlaʻa var mı? Kabûl edilmişdir". Fasıl 8, Çiçek Günü hâsılâtı 22.000 lira Reîs: "-Mütâlaʻa var mı? Kabûl edilmişdir". Fasıl 9, emvâl-i gayr-ı menkûle bedel-i îcârı 5.000 lira Reîs: "-Mütâlaʻa var mı? Kabûl edilmişdir". Fasıl 10, eyyâm-ı muʻayyenede neşredilecek gazete hâsılâtı, 7.000 lira Reîs: "-Mütâlaʻa var mı? Kabûl edilmişdir". Fasıl 11, merâkiz ve şuʻabâtın [438] devre-i sâbıkadan vâridât 1 lira kaydedilecek kısım Reîs: "-Îzâhât verecek misiniz Refik Bey?" Sıhhiye Vekîli Refik Bey: "-Efendim, diğer fasılların kâffesi hep sene-i hâzıra büdcesi dâiresin- de ve o sene zarfında gelen vâridâtdır. Fakat merâkiz ve şuʻabâtın devre-i sâbıkalarda ta eski birkaç senelerden beri olan hesâbâtını el-yevm tedkîk ile meşgûlüz. Mütemâdiyen tedkîkât yapdırıyoruz.