HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4196 1-1928-1929 senesi büdce vâridât[ı] 944.001 lira olarak tahmîn edilmişdir. Reîs: "-Kabûl edilmişdir". 2-1928-1929 senesi büdce masârıfı 752.286 lira tesbît edilmişdir. Sıhhiye Vekîli Refik Bey (İstanbul): "-Dokuz yüz liranın ilâvesiyle yekûn 753.186 lira olacak- dır, efendim". Reîs: "-Bu sûretle kabûl edenler el kaldırsın. Kabûl edilmişdir". 3-İhtiyât akçesi âdî ve fevkalâde olarak ikiye tefrîk ve fevkalâde ihtiyât akçesi olarak bir mil- yon Türk lirası tutarı nakid tahsîs ediliyor. Fevkalâde akçesi vakt-i hazerde sarf edilemez. (Muvâfık sesleri) Reîs: "-Kabûl edilmişdir". 4-Merkez-i umûmî büdce vâridât fasıllarının tahmînât fevkinde vukûʻ bulacak tahsîlâtını imdâd ve muʻâvenet ve levâzım iʻmâlât ve mübâyaʻât fasıllarına [440] mevzûʻ tahsîsâta zamîmeten sarfına ve vâridât tahmînlerinin noksânlarını âdî ihtiyât akçesiyle ihtiyât malzemesinden tesviyeye meʼzûn- dur. Reîs: "-Kabûl edilmişdir". 5-Anbâr malzeme kadrosuna göre anbâr mevcûdunun fazlalarının fürûhtuna merkez-i umûmî meʼzûndur ve bu hâsılât-ı fevkalâde ihtiyât akçesine ilâve olunur. Reîs: "-Kabûl edilmişdir". 6-Merkez-i umûmî emvâl-i gayr-ı menkûleden cemʻiyete fâidesi görülmeyenleri satmağa ve mukâbilinde emvâl-i gayr-ı menkûle mübâyaʻa veya yeniden inşâsına veya bu husûsda meʼzûniyet iʻtâsına salâhiyetdârdır. Reîs: "-Kabûl edilmişdir". 7-Masraf büdcesinde muharrer bir hizmetin îfâsı için mevcûd ve müddehar malzemeden sar- fiyât vukûʻ bulduğu takdîrde bu malzemenin râyic fiyât üzerinden mukâbil olan mikdâr masraf büd- cesinden âid olduğu fasıldan tenzîl edilir. Reîs: "-Kabûl edilmişdir". 8-Eşyânın hidemât-ı mütehakkıka için vukûʻ bulacak nakil ve ambalaj masrafı bu hizmetlere âid fasıldan tesviye edilir. Reîs: "-Kabûl edilmişdir". 9-Merkez-i umûmî 1928 senesinden evvelki devre-i hesâbiyelere âid olup hesâbâtı 1929 sene- sinde alınabilen merâkiz ve şuʻabât hesâbâtının büdcedeki fasl-ı mahsûsuna îrâd ve masraf kaydına meʼzûndur. 10-Vâridât büdcesinde muharrer müsâmere, Çiçek Günü, şefkat pulları, iʻlâmât ve evrâk-ı mehâkim ve hükûmetçe iʻtâ edilecek imtiyâzât hâsılât fasıllarından teʼmîn edilecek vâridâtın cibâyeti için yüzde 20'den fazla olmak üzere masraf ihtiyârı câizdir. Bunun için masraf kısmında bir fasl-ı mahsûs açılarak tahakkuk edecek masârıf bu fasla kayıd ve sarf olunur. Reîs: "-Kabûl edilmişdir".