HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4197 11-Efrâd veya müessesât tarafından tevdîʻ edilecek emânât büdceye taʻalluk etdirilmeksizin ahz ve iʻâde ve herhangi bir hizmet için vukûʻ bulacak tevdîʻât kezâlik aynı kayıd ile kabûl ve mak- sad-ı hidemât îfâ edilir. Reîs: "-Kabûl edilmişdir". 12-1926-1927 senesi büdcesinin 7'nci ve 1927-1928 senesi büdcesinin 14'üncü inşâât fasılla- rındaki tahsîsâtdan sarf edilmeyen kısım 1928-1929 senesi devre-i hesâbiyesi zarfında sarf edilebilir. Reîs: "-Kabûl edilmişdir". 13-Eskişehir anbârına merbût iʻmâlâthânelerde kadro hârici istihdâmına lüzûm görülecek müs- tahdemîn ücûrâtı ile masârıfı 14'üncü fasıldan teʼdiye edilir. Reîs: "-Kabûl edilmişdir". 14-Bü[d]cenin fasılları dâhilinde mâddeden mâddeye tahsîsât nakline heyʼet-i idârenin teklîfi ile merkez-i umûmî meʼzûndur. Reîs: "-Kabûl edilmişdir". 15-Şartnâmesine tevfîkan işletdirilecek maʻden suyu ve hükûmetçe iʻtâ edilen oyun kâğıdları vesâire gibi imtiyâzâtın işletmesine âid zimmet ve matlûb bakıyyesi tahsîsât-ı âidesine masraf ve fasl-ı mahsûsuna îrâd kaydedilir. [441] Reîs: "-Kabûl edilmişdir". 16- Hilâl-i Ahmer Mecmûʻası tabʻ ücreti ile masârıf-ı sâiresi ve heyʼet-i tahrîriye ve müstah- demîni ücûrâtı vesâir her nevʻ neşriyât esmânı masrafı büdcesinin 10'uncu faslının beşinci mâddesin- den tesviye olunur. Reîs: "-Kabûl edilmişdir. Efendim, vâridât ve masraf büdcelerinin heyʼet-i umûmiyesi ile taʻlîmâtnâme heyʼet-i umûmi- yesini reʼyinize arz ediyorum. Kabûl edenler el kaldırsın. Kabûl edilmişdir. Efendim, bir teklîf vardır, okunacak". "-Meclis-i Umûmî Riyâset-i Celîlesi'ne, Hilâl-i Ahmer'e mâddeten, maʻnen kıymetdâr hizmet ve güzîde muʻâvenetleri sebk eden melfûf listede esâmîsi muharrer zevâta ber-mûceb-i nizâmnâme-i esâsî fâhir aʻzâlık unvânının tevcîhi mer- kez-i umûmîmizin 25 Haziran [1]927 târîhli ictimâʻında takarrür eylemiş olmağla meclis-i umûmîce kabûl ve tasdîkine müsâʻade buyurulmasını taʻzîmât-ı mahsûsamıza terdîfen arz eylerim efendim hazretleri. Merkez-i Umûmî Reîsi Doktor Refik Bursa merkezinin inhâsıyla: Bursa Hilâl-i Ahmer sâbık Heyʼet-i Merkeziye aʻzâsından Doktor Şefik Lütfi Bey Bursa Hilâl-i Ahmer sâbık Heyʼet-i Merkeziye aʻzâsından Mehmed Şükrü Bey