HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4199 Reîs: "-Beş zât bunlardır, efendim". Hakkı Şinasi Paşa (İstanbul): "-Efendim, bu tefrîk edilen aʻzâlar merkez-i umûmînin en faʻâl aʻzâlarındandır. Onun için ibkâlarını teklîf ve ricâ ediyorum". Reîs: "-Doktor Tevfik Bey ve Yusuf Ziya Bey müstaʻfî midirler?" Sıhhiye Vekîli Refik Bey (İstanbul): "-Afyon MebʻûsuAli Bey bizzât istiʻfâ etdiler. Doktor Şev- ki Bey, Doktor Tevfik Bey Ankara'da bulunmadıkları için biz yerlerine aʻzâ intihâb etmedik. Meclis-i umûmîye arz ediyoruz. Yusuf Ziya Bey İstanbul'da vazîfe aldılar. Bunlar bittabʻ devâm etmiyorlar". Tevfik Fikret Bey (Konya): "-Doktor Fikret Bey de zannederim merkez-i umûmîye dâhildir. Onun vazʻiyeti de müsâʻid değildir. Devâm edemez. Binâenaleyh onun yerine de bir aʻzânın intihâbı lâzımdır". Reîs: -Kurʻa ile ihrâc edilen beş zât intihâb olunacakdır. Arkadâşlar yeni intihâb hakkında dü- şünmek üzere celseyi beş dakîka taʻtîl ediyorum. Hitâm-ı celse, 11 İkinci Celse İnʻikâd 2, Celse 1 Reîs Kâzım Paşa hazretleri – Kâtibler: Salahaddin Bey (Kocaeli), Enver Bey (İzmir) Açılma Sâʻati: 11,15 Reîs: "-Efendim, celseyi açıyorum. Evvelâ kurʻa ile çıkan beş aʻzânın yerine diğer beş aʻzânın intihâbı mevzûʻ-ı bahisdir". Hakkı Şinasi Paşa (İstanbul): "-Arz etdiğim gibi bu beş aʻzânın intihâbı reʼy-i işâriyle olsun, diğerlerini reʼy-i hafî ile yapalım". Reîs: -Efendim, kurʻa ile çıkan beş aʻzânın merkez-i umûmîdeki hizmetleri pek mesbûk oldu- ğundan bu zevâtın tekrâr meclis-i umûmîde vazîfelerine devâm etmek üzere yeniden intihâbları teklîf olunuyor. (Reʼy-i işâriyle sesleri) Bunu reʼy-i işâriyle reʼyinize arz edeceğim. Kurʻada isimleri çıkan beş aʻzânın tekrâr merkez-i umûmî aʻzâsı olmak üzere intihâbını kabûl edenler lütfen işâret etsinler. Kabûl edilmişdir, efendim. İstiʻfâ eden ve müstaʻfî addedilen beş aʻzânın yerine yeniden beş aʻzâ intihâb olunacakdır. İsim- leri sıra ile okunacakdır. Herkes reʼyini versin. Henüz reʼy vermeyenler varsa lütfen versinler. Ârâ istihsâli hitâm bulmuşdur, efendim. Süleyman Sırrı Bey (Yozgad): "-Reîs paşa hazretleri! Hesâbâtın dürüstîsinde, muʻâmelâtın in- tizâmında ve heyʼet-i muhteremenin hüsn-i niyetle vazîfe yapdığın[d]a şübhe yokdur. Yalnız ricâ edeceğim bir nokta vardır. Bu bilançolar hiç olmazsa bir hafta evvel dağıtılmış olsun. Murahhaslar taʻayyün edince merkez-i umûmî her murahhasa göndersin. Bu bilanço vesâireler dün ictimâʻ eder- ken kapıdan girerken verilmişdir. Okunmak lâzım gelse on [443] beş günde okunmaz. Bu cihetin taht-ı teʼmîne alınmasını ricâ ederim".