HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4200 Reîs: -Gelecek sene nazar-ı dikkate alınmasını merkez-i umûmîden ricâ ederiz. Efendim, merkez-i umûmîye intihâb edilecek beş aʻzâ için yetmiş yedi zât reʼy vermişdir. Nisâb tamâmdır. Riyâset-i Cumhûr Kâtib-i Umûmîsi Hikmet Bey, Balıkesir Mebʻûsu Hayreddin Bey, Muğ- la Mebʻûsu Ali Nazmi Bey, tüccârdan Erzurumlu Nafiz Bey, Demiryollar Sertabîbi Vehbi Bey yetmiş yedişer reʼy almışlardır. Yani müttefikan intihâb olunmuşlardır. (Allah muvaffak etsin sesleri) Efendim, bir intihâbımız daha var. Tedkîk komisyonu aʻzâları intihâb olunacakdır". Hakkı Şinasi Paşa (İstanbul): "-Efendim, bu arkadâşlarımız da iki senedir cidden çalışıyorlar ve hüsn-i hizmet gösteriyorlar. Onların da ibkâlarını teklîf ediyorum". (Muvâfık sesleri) Reîs: -Efendim, bu zevât şunlardır: Remzi Bey, Galib Bey, Kâzım Bey (Kabûl sesleri) Efendim, tedkik komisyonu aʻzâlarının ibkâen intihâb edilmesi hakkındaki teklîfi reʼyinize arz ediyorum. Kabûl edenler el kaldırsın. Kabûl olunmuşdur". Sıhhiye ve Muʻâvenet-i İctimâʻiye Vekîli Doktor Refik Bey (İstanbul): "-Arkadâşlarım! Üç seneden beridir burada toplanarak memleketin hayırkâr bir müessesesinin hesâbâtını görüyorsunuz. Merkez-i umûmîsini ibrâ ediyorsunuz. Onun daha şâmil ve hayırlı işler görmesi için bizi irşâd ediyor- sunuz. Hakkımızda gösterdiğiniz teveccühe teşekkür ederiz. Bizce en büyük muvaffakiyet, son hab- besine kadar tedkîk edip hakkımızda karâr vermenizdir. Bundan çok müteşekkiriz. Merkez-i umûmî nâmına teşekkürâtımı arz etmeğe kendimi borçlu addederim". (Allah muvaffak etsin sesleri) Reîs: -Efendim, meclis-i umûmînin vazîfesi hitâm bulmuşdur. Aʻzâ-yı kirâmın meşkûr mesâʻî- sinin ve musîb karârlarının fâideli netîceler vereceğine şübhe yokdur. Bu mukarrerâtın hüsn-i sûretle tatbîk edileceği de tabîʻîdir. Vazîfem esnâsında göstermiş olduğunuz muʻâvenet ve teshilâtdan dolayı cümlenize teşekkür eder ve hürmetle selâmlarım". (Alkışlar, teşekkür ederiz sesleri) Kapanma Sâʻati: 11,40 _______________ Nizâmnâme-i Esâsî Taʻdîlâtı ve Esbâb-ı Mûcibe Lâyihası Bütün efʻâl ve icrââtında cemʻiyet nizâmnâme-i esâsîsine tevfîk-i hareketi şiʻâr edinen mer- kez-i umûmîmiz bir senelik tedkîkâtı netîcesinde nizâmnâme-i esâsî mevâddından bazılarının ah- kâm-ı mevzûʻaya karşı taʻâruz teşkîl etdiğini ve bazı mâddelerin de sû-i tefehhüm husûlünü mûcib ahkâm mevcûd bulunduğunu ve merâkiz ve şuʻabât mebhasinde vezâifi cümlesinin fahrî olduğu hâl- de kazâ şuʻbelerini vilâyet merkezler oğuzhan koç ine rabta mecbûr eden mevâddın tatbîkât sâhasında merkez-i umûmîmizin mesâʻîsini işkâl etmekde olduğunu görerek mesâʻî-i umûmînin müstaʻcilen tanzîmi esâsına ibtinâen nizâmnâme mevâddında bazı taʻdîlât icrâsına ihtiyâc-ı şedîd hissetmiş ve keyfiyeti meclis-i umûmîye arza karâr vermişdir. [444] Şöyle ki: Mârru'l-arz nizâmnâme-i esâsîmizin ahkâm-ı kânûniyeye taʻâruz teşkîl eden ve ayrıca bizzât nizâmnâmede mevcûd bir mâdde hükmünün diğer bir mâdde ile mübâyeneti görülen mevâddın es- bâb-ı mûcibe dermeyânına hâcet kalmadan taʻdîl ve tashîhleri kâbil ise de şuʻabâtın merkezlere mer- bûtiyeti dolayısıyla dâimâ tesâdüf edilmekde olan müşkilât hakkında nokta-i nazarımızı arza lüzûm vardır.