HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3823 Fi'l-hakîka şân u şeref meydânında aldığı yara ile vazîfe-i askeriyesi hitâm bulmuş bir bîçâre neferin vazîfesi o mecrûh neferi tedâvîden ibâret olan meʼmûrîn-i sıhhiyenin bî-taraflığını ve teʼsîrât-ı harbiyeden masûniyetini tasvîbde beşeriyet-i müşfika aslâ tereddüd etmedi. O zamân, fazl u irfânıyla asrının medâr-ı iftihârı olan Cenevre Menâfiʻ-i Umûmiye Cemʻiyeti (La Société Genèvoise dʼUtilité Publique) Reîsi Gustave Moynier muhâsama zamânlarında mec- rûhîn-i askeriye ile meʼmûrîn ve levâzım-ı sıhhiyenin bî-taraflığını mecbûr kılacak bir iʼtilâf vücûda getirmek maksadıyla bi'l-cümle Avrupa devletlerini 1863 senesi Teşrîn-i Evvel'inde Cenevre'de nîm resmî mâhiyetde beynelmilel bir konferans akdine daʻvet etdi. Cenevre Menâfiʻ-i Umûmiye Cemʻiyeti'nin bu daʻvetine şefkat-i beşeriye nâmına birçok mem- leketlerin ricâl-i mümtâze ve erkân-ı fâzılası icâbetle konferansa iştirâk ve zîrdeki temenniyâtı it- tifâk-ı ârâ ile kabûl etdiler: 1-Zamân-ı harbde muhâribmilletler tarafından seyyâr ve sâbit hastahânelerin ve resmî meʼmûrîn ve müstahdemîn-i sıhhiyenin ve muhârebeye sahne olan memleket ahâlîsinden mecrûhîne muʻâvenet edenlerin ve bizzât mecrûhların bî-taraflığının iʻlânı 2-Orduların heyʼet-i sıhhiyeleri için veya hiç olmazsa her ordunun meʼmûrîn-i sıhhiyesi için müşterek bir alâmet-i fârikanın kabûlü 4-Her memleketde seyyâr ve sâbit hastahâneler için müşterek bir bayrağın kabûlü Esâsen husûsî ve gayr-ı resmî bir mâhiyetde ictimâʻ etmiş olan konferansın ızhâr etdiği temen- niyât ve ittihâz etdiği mukarrerâtı hükûmetler resmen kabûl ve tasdîk etmedikçe hiçbir teʼsîri görüle- meye [129] ceğinden bu cihetin de ikmâli için İsviçre Nevâhî-i Müttehide Meclisi sene-i âtiyede siyâsî bir konferans akdedilmek üzere bütün Avrupa ve Amerika devletlerini Cenevre'ye birer murahhas göndermeğe daʻvet etdi. Daʻvete icâbet eden 16 devlet murahhası 8 Ağustos 1864 târîhinde Umûm İsviçre Orduları Baş- kumandanı General Dufour'un riyâsetinde ilk ictimâʻı akdetdi. On beş gün devâm eden uzun müzâkerâtdan sonra konferans şefkat-i umûmiye-i beşeriyenin bir şehkârı olan ve beynelmilel lisân-ı siyâsetde Cenevre Mukâvelenâmesi (La Convention de Genève) nâmıyla yâd olunan mukâvelenâmeyi 22 Ağustos 1864 târîhinde kabûl ve imzâ etdi. Cenevre'de 1863'de Salîb-i Ahmer eser-i âlîsini vücûda getirenlerden Doktor Maunoir Dr. Maunoir, un des fondateurs de la Croix- Rouge en 1863, à Geneve Cenevre'de 1863'de Salîb-i Ahmer eser-i âlîsini vücûda getirenlerden Doktor Louis Appia Dr. Louis Appia, un des fondateurs de la Croix-Rouge en 1863, à Geneve