HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3824 Cenevre Mukâvelenâmesi'nin bir mâddesinde konferansa iştirâk edemeyen devletlerin bir sene zarfında mukâvelenâme ahkâmını kabûl edebilecekleri kaydı mevcûd olduğundan keyfiyet Bâbıâli'ye de teblîğ olundu. Bâbıâli, konferansa bir kıymet ve ehemmiyet vermemiş ve murahhas da göndermemiş ise de mukâvelenâmenin imzâsı teklîf edilince bundan fâide meʼmûl etmemekle berâber bir mazarrat da gelmeyeceğini takdîr ederek 1865 senesi Temmuz'unun beşinci günü muʻâhedeyi imzâ etdi. Maʻamâfîh Salîb-i Ahmer işâretine muʻâdil olarak Hilâl-i Ahmer alâmetinin de kabûl olunma- sını teʼmîn edecek bir teşebbüsde bulunmadı. Hattâ bilâhare 1869'da inʻikâd eden Beynelmilel Salîb-i Ahmer Konferansı'na Berlin Sefîri Aristaki Bey iştirâk etdiği [130] hâlde o zamân Hilâl-i Ahmer mesʼelesi mevzûʻ-ı bahis edilmedi. *** Cenevre Muʻâhedenâmesi'nin âlem-i medeniyete teʼmîn etdiği menâfiʻ-i azîme 1870 târîhinde zuhûr eden Alman-Fransız Harbi'nde pek vâzıh sûretde tezâhür etdi. Bu harbde mecrûhîne imdâd için dünyânın her tarafından yetişen muʻâvenet-i şefkat-perverânenin îfâsına muvaffak olduğu hidemât-ı âliye cidden takdîrlere sezâ idi. Biz o zamân bu ulvî şefkat ve fazîleti anlayamadık, uyuyorduk. Avrupa'da, Amerika'da Mecrûhîn-i Askeriye Cemʻiyetlerinin (Salîb-i Ahmer Cemʻiyetlerinin ilk ismi) birçok merkez ve şuʻbeleri tarafından toplanan aʻzâ âidâtı, teberruʻât ve iʻânât ile vakt-i harbde mecrûhîn-i askeriyeyi tedâvî için eczâ ve levâzım-ı sıhhiye ihzârına çalışılmakda idi. Doktor Mîralây Abdullah Bey Dr. Colonel Abdullah Bey General Doktor Général G. H. Dufour